រាជធានីភ្នំពេញ ៖ វិស័យទេសចរណ៍គឺជាប្រភពចំណូលមួយដ៏សំខាន់ និងជាឧស្សាហកម្មគ្មានផ្សែងដែលបានចូលរួមចំណែកក្នុងវិស័យសេដ្ឋកិច្ច នយោបាយ និងទំនាក់ទំនងអន្តរជាតិរបស់ប្រទេសថៃ ។ ដោយហេតុនេះហើយ
រាជធានីភ្នំពេញ ៖ វិស័យទេសចរណ៍គឺជាប្រភពចំណូលមួយដ៏សំខាន់ និងជាឧស្សាហកម្មគ្មានផ្សែងដែលបានចូលរួមចំណែកក្នុងវិស័យសេដ្ឋកិច្ច នយោបាយ និងទំនាក់ទំនងអន្តរជាតិរបស់ប្រទេសថៃ ។ ដោយហេតុនេះហើយ អាជ្ញាធរទេសចរណ៍នៃប្រទេសថៃ (TAT) ទាំងនៅក្នុងប្រទេស និងតាមសាខាក្នុងតំបន់ បានប្រារព្ធពិធីពិព័រណ៍ទេសចរណ៍ឆ្នាំទី១៤ TTM +2015 ក្នុងគោលបំណងបង្ហាញពីកត្តាសក្តានុពលនានារបស់ប្រទេសថៃដែលភ្ញៀវទេសចរចង់ទៅកម្សាន្តដោយមិនអាចមើលរំលងបានឡើយ។
កន្លងទៅថ្មីៗនេះក្នុងពិធីតាំងពិពរ័ណ៍TTM+2015 លោកស្រី Juthaphorn Rerngronasa អភិបាលស្តីទីនៃអាជ្ញាធរទេសចរណ៍ថៃបានបង្ហាញថា ប្រទេសថៃមានកិត្តិយសដែលទទួលបានការពេញនិយមគាំទ្រ និងជាប់ឆ្នោតជាប្រទេសទី១ក្នុងទ្វីបអាស៊ី និងជាប្រទេសទី២លើសាកលលោកសម្រាប់គោលដៅរបស់ភ្ញៀវទេសចរចង់មកលំហែកម្សាន្ត ។ ប្រទេសដែលជាប់ចំណាត់ថ្នាក់ទី១លើសាកលលោកគឺទីក្រុង London ប្រទេសអង់គ្លេស និងលេខ៣បានទៅលើក្រុង Paris ប្រទេសបារាំង។ សម្រាប់គោលដៅឆ្នាំ២០១៥នេះ TAT នឹងផ្តល់ជូនបន្ថែមនូវការកម្សាន្តដ៏វិសេសវិសាលថែមទៀត ដោយប្រទេសថៃបានពង្រីកច្រកទេសចរណ៍តាមប្រទេសមហាអនុតំបន់ទន្លេមេគង្គដែលមានប្រទេស៦ជាសមាជិករួមមាន ប្រទេសវៀតណាម, ប្រទេសកម្ពុជា, ប្រទេសថៃ, ប្រទេសឡាវ ប្រទេសភូមា និងខេត្តគួងមីង ប្រទេសចិន និងការបើកច្រកទេសចរណ៍សម្រាប់ភ្ញៀវទេសចរដែលកាន់សាសនាមូស្ល៊ីម។ លោកស្រីបន្ថែមទៀតថា ភ្ញៀវទេសចរនឹងមានភាពរីករាយបន្ថែមទៀត ដូចជាការជិះកង់កម្សាន្តនៅតាមតំបន់បេតិកភណ្ឌពិភពលោក, ការទស្សនាតាមដងទន្លេអាយុធ្យាដែលភ្ជាប់គោលដៅទេសចរណ៍តាមប្រទេសមហាអនុតំបន់ទន្លេមេគង្គ ។ ជាមួយគ្នាផងដែរ លោកអ្នកនឹងទទួលបាននូវបទពិសោធន៍ថ្មីៗដូចជា៖
-ភ្លក្សរសជាតិម្ហូបអាហារតាមដងផ្លូវពេលរាត្រីដែលមានអនាម័យក្នុងតម្លៃប្រកួតប្រជែង
-ទស្សនាតាមសារមន្ទីរនានាស្តីពីមនុស្ស និងវប្បធម៌ប្រវត្តិសាស្ត្ររបស់ប្រទេសថៃ ដូចទិដ្ឋភាពជាក់ស្តែង (រូបក្រមួន)
-ការជិះកង់លំហែកម្សាន្តតាមដងទន្លេអាយុធ្យា និងទន្លេមេគង្គរហូតដល់ប្រទេសឡាវ (លួងប្រាបាង) តំបន់បេតិកភណ្ឌពិភពលោក
-ទស្សនាថ្ងៃលិចតាមដងទន្លេនិងជិះទូកកន្ទុយវែងកម្សាន្តតាមព្រែកជីកនានាមើលពីជីវភាពរស់នៅប្រចាំថ្ងៃរបស់ប្រជាជនថៃ ដែលពោរពេញដោយភាពទាក់ទាញនៃធម្មជាតិពិតៗ
-ទស្សនាក្បាច់ប្រដាល់បុរាណថៃ (Muythai Boxing) ។
ជាមួយនឹងភាពសំបូរបែបដែលផ្តល់ជូនដល់ភ្ញៀវទេសចរដូចរៀបរាប់ខាងលើ ប្រទេសថៃនឹងអាជ្ញាធរទេសចរណ៍ថៃ(TAT)បានឱ្យដឹងទៀតថា ប្រទេសថៃក៏ជាគោលដៅសម្រាប់ភ្ញៀវទេសចរលើសាកលលោកមកក្រេបទឹកឃ្មុំផងដែរ ដោយផ្តល់ជូននូវបរិយាកាសបែបធម្មជាតិ និងរ៉ូមែនទិក នៅតាមតំបន់ទេសចរណ៍នានាក្នុងប្រទេស ៕
ចែករំលែកព័តមាននេះ