ក្រុងហុងកុង ៖ មនុស្សសំខាន់៥០នាក់នៃក្រុមប្រឆាំងស្និទ្ធប្រជាធិបតេយ្យហុងកុង បានត្រូវចាប់ខ្លួនកាលពីថ្ងៃទី៦ មករា នៅហុងកុងតាមច្បាប់ស្ដីពីសន្តិសុខជាតិថ្មី ក្នុងការតាមប្រមាញ់ចាប់ខ្លួនដ៏ធំមួយ ដែលធ្វើឡើងយោងតាមច្បាប់នោះដែលដាក់ដោយក្រុងប៉េកាំង ។ អាជ្ញាធរចិនបានសន្យាក្ដាប់ក្នុងដៃវិញនាឆ្នាំ២០២០…
ក្រុងហុងកុង ៖ មនុស្សសំខាន់៥០នាក់នៃក្រុមប្រឆាំងស្និទ្ធប្រជាធិបតេយ្យហុងកុង បានត្រូវចាប់
ខ្លួនកាលពីថ្ងៃទី៦ មករា នៅហុងកុងតាមច្បាប់ស្ដីពីសន្តិសុខជាតិថ្មី ក្នុងការតាមប្រមាញ់ចាប់ខ្លួនដ៏ធំមួយ ដែលធ្វើឡើងយោងតាមច្បាប់នោះដែលដាក់ដោយក្រុងប៉េកាំង ។
អាជ្ញាធរចិនបានសន្យាក្ដាប់ក្នុងដៃវិញនាឆ្នាំ២០២០ ដែនដីអតីតអាណានិគមអង់គ្លេសនោះ ១ឆ្នាំក្រោយមានបាតុកម្មពុះកញ្ច្រោលពុំធ្លាប់មានពីមុនមក នៅហុងកុងចាប់តាំងពីដែនដីនោះត្រូវបាន
ប្រគល់ឲ្យចិនវិញពីឆ្នាំ១៩៩៧មក ។ ក្នុងចំណោមមនុស្សត្រូវចាប់ខ្លួនទាំងនេះច្រើននាក់ ជាអ្នកជាប់ទាក់ទិននឹងការបោះឆ្នោតសម្រាំងមួយរៀបចំធ្វើឡើងដោយពួកប្រឆាំងកាលពីរដូវក្ដៅកន្លងទៅ ។
ឥស្សរជនជាច្រើនរូបព្រមទាំងគណបក្សប្រឆាំង អះអាងតាម TWITTER និង FACEBOOK ពីការចាប់ខ្លួនមនុស្សយ៉ាងតិច២១នាក់ ភាគច្រើនជាប់ការចោទប្រកាន់ពីបទបំបែកខ្លួននិយម ។ ចំណែកប្រភពប៉ូលិស២រៀបរាប់ពីការចាប់ខ្លួនមនុស្សដល់៥០នាក់ ដោយកងឯកភាព ទទួលបន្ទុកស៊ើបអង្កេតលើការរំលោភបំពានច្បាប់សន្តិសុខជាតិ ។ មេធាវីជនជាតិអាមេរិកម្នាក់
ស្ថិតក្នុងចំណោមមនុស្សត្រូវចាប់ខ្លួន ។
ប្រតិបត្តិការនេះសំដៅលើបណ្ដាអតីតសមាជិកសភាស្និទ្ធប្រជាធិបតេយ្យ ដូចជាលោកJAMEMES TO លោក ANDREW WAN និងលោក LAM CHUK TING ព្រមទាំងពួកសកម្មជនដែលមានវ័យក្មេងៗ ។ ក្នុងចំណោមអ្នកទាំងនោះ ២នាក់អះអាងតាម FACEBOOK ពីការចាប់ខ្លួនពួកគេ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ