ប្រទេសអ៊ីរ៉ង់ ៖ ប្រទេសអ៊ីរ៉ង់ប្រកាសកាលពីថ្ងៃទី៤ មករា ពីការចាប់នាវាដឹកប្រេងមួយគ្រឿងដោតទង់ជាតិកូរ៉េខាងត្បូង ដោយកងកម្លាំងឆ្មាំបដិវត្តន៍ក្នុងដែនទឹកនៃឈូងសមុទ្រពែរ្ស៍ដោយអះអាងថា នាវានោះរំលោភបំពានច្បាប់ស្ដីពីបរិស្ថានសមុទ្រ ក្នុងពេលកំពុងមានភាពតានតឹងជាថ្មីជាមួយសហរដ្ឋអាមេរិក ។
ក្រុងសេអ៊ូលទាមទារឲ្យដោះលែងនាវាឈ្មោះ HANKUK CHEMIនោះ និងសមាជិកក្រុមនាវិក២០នាក់ និងដាក់ពង្រាយកងនាវាប្រឆាំងចោរសមុទ្រក្នុងតំបន់ឈូងសមុទ្រយុទ្ធសាស្ត្រនេះ ។ នាវានោះបានចាកចេញពីកំពង់ផែ AL -JUBAIL អារ៉ាប៊ីសាអូឌីតហើយត្រូវបានចាប់ពីបទចោទថារំលោភបំពានផ្ទួនៗ ច្បាប់ស្ដីពីបរិស្ថានសមុទ្រ ។ កងកម្លាំងឆ្មាំបដិវត្តន៍អីុរ៉ង់គូសបញ្ជាក់ថា នាវានោះដឹកផលិតផលគីមីផលិតពីប្រេងកាត៧.២០០តោន ។
រូបភាពចេញផ្សាយដោយវេបសាយមួយរបស់កងកម្លាំងនោះបង្ហាញនាវាប្រដេញ៣គ្រឿងនិងនាវាល្បាត១គ្រឿង បើកទៅក្បែរនាវាដឹកប្រេងនេះ ។
ការចាប់នាវានេះកើតមានខណៈបើតាមក្រសួងការបរទេសអ៊ីរ៉ង់ថា អនុរដ្ឋមន្ត្រីការបរទេសកូរ៉េខាងត្បូងនឹងមកដល់ក្រុងតេហេរ៉ង់នាពេលខាងមុខនេះ ។ ក្រុងតេហេរ៉ង់ស្វែងរកឲ្យក្រុងសេអ៊ូលលុបចោលវិញ ការបង្កកមូលនិធិដោយសារទណ្ឌកម្មអាមេរិក ។ វាក៏កើតមានដែរបន្ទាប់ពីការប្រារព្ធកាលពីថ្ងៃទី៣ មករា ខួប១ឆ្នាំនៃការធ្វើឃាតឧត្ដមសេនីយកាសេមសូឡីម៉ានីដោយអាមេរិក ក្នុងការវាយប្រហារដោយយន្តហោះគ្មានមនុស្សបើកមួយនៅក្រុងបាដាដ ។
ប្រទេសអ៊ីរ៉ង់កាលពីថ្ងៃទី៥ មករា បានការពារថា មិនបានចាប់ជាចំណាប់ខ្មាំងនាវាដឹកប្រេងកូរ៉េខាងត្បូងនោះឡើយ ។ ក្នុងសន្និសីទសារព័ត៌មានមួយអ្នកនាំពាក្យរដ្ឋាភិបាលអ៊ីរ៉ង់លោកអាលីរ៉ាប៊ី
អៃថ្លែងថា ប្រសិនបើមានការចាប់ជាចំណាប់ខ្មាំងគឹមានតែការចាប់ជាចំណាប់ខ្មាំងរបស់រដ្ឋាភិបាលកូរ៉េត្បូងដែលជាអ្នកផ្អឹបទុកប្រាក់របស់យើង៧ពាន់លានដុល្លារ ។
តាមទីភ្នាក់ងារព័ត៌មានកូរ៉េខាងត្បូង YONHAP ថា ក្រុងសេអ៊ូលបានកោះហៅឯកអគ្គរដ្ឋទូតអ៊ីរ៉ង់ ហើយសន្យាពិការខិតខំប្រឹងប្រែងនានាខាងការទូតដើម្បីឲ្យទទួលបានការដោះលែងនាវានោះ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ