រាជធានីភ្នំពេញ ៖ ការប្រកួតប្រដាល់ដណ្ដើមខ្សែក្រវាត់គោជល់ក្នុងប្រភេទទម្ងន់៦៤គីឡូក្រាមនៅលើសង្វៀនស៊ីធីអិន នាយប់ថ្ងៃសៅរ៍ ទី១៨ កក្កដា ខាងមុខនេះឈានចូលដល់វគ្គពាក់កណ្ដាលផ្ដាច់ព្រ័ត្រហើយ ។
រាជធានីភ្នំពេញ ៖ ការប្រកួតប្រដាល់ដណ្ដើមខ្សែក្រវាត់គោជល់ក្នុងប្រភេទទម្ងន់៦៤គីឡូក្រាមនៅលើសង្វៀនស៊ីធីអិន នាយប់ថ្ងៃសៅរ៍ ទី១៨ កក្កដា ខាងមុខនេះឈានចូលដល់វគ្គពាក់កណ្ដាលផ្ដាច់ព្រ័ត្រហើយ ។
កន ចន្ថា មកពីសមាគមកីឡាប្រដាល់ក្រសួងការពារជាតិ ត្រូវជួបប្រកួតជាមួយ ផាន់ គ្រាន់ មកពីក្លិបគជសារកីឡា ខណៈ ផល សោភ័ណ្ឌ មកពីក្លិបតាឡីដំរីមានរិទ្ធ ប្រកួតជាមួយកីឡាករថៃឈ្មោះ ឈោកឆៃ ស.ការ៉ាវ៉េត ។
រវាង កន ចន្ថា និង ផាន់ គ្រាន់ សុទ្ធតែជាអ្នកប្រដាល់ជើងខ្លាំងមានល្បិចប្រកួតក្រាស់ក្រែលដូចគ្នា ។ ផាន់ គ្រាន់ អន់កម្ពស់បន្តិច ប៉ុន្តែស្នៀតកណ្ដាប់ដៃឆ្វេងរបស់កីឡាកររូបនេះល្អអាចធ្វើការវាយចេញបានរហ័ស បើគូប្រកួតហ៊ានតែប្រហែសច្បាស់ជាស៊យធំមិនខាន ។ ទោះជាយ៉ាងណា គូនេះគេមានជំនឿចិត្តលើ កន ចន្ថា ច្រើនជាងដោយសារកីឡាកររូបនេះមានប្រៀបជាងទាំងមាឌ និងកម្ពស់ដាច់តែម្ដង ។
ចំណែក ផល សោភ័ណ្ឌ ជួបឈោកឆៃ លើកនេះក៏មិនងាយស្រួលប៉ុន្មានដែរព្រោះបើតាមការព្យាករមុននឹងឈានដល់ការចាញ់ឈ្នះប្រហែលជាតឹងតែងបន្តិចហើយ ។ កីឡាករទាំងពីររូបនេះ ទាំងមាឌ និងកម្ពស់ គឺប្រហាក់ប្រហែលគ្នាតែម្ដង គ្រាន់តែការវាយចេញរបស់ ផល សោភ័ណ្ឌ មានភាពយឺតយ៉ាវបន្តិចប៉ុណ្ណោះ ជាពិសេសស្នៀតជើងរបស់គេតែម្ដងពេលទាត់ចេញកាន់តែយឺតថែមទៀត។ ឯស្នៀតកែង និងជង្គង់របស់គេល្អគ្រាន់បើអាចវាយចេញបានរហ័សនិងចំគោលដៅបានល្អ
ទៀតផង ។ ទោះជាយ៉ាងណា គេមិនអាចមើលស្រាលលើកីឡាករថៃរូបនេះបានឡើយ ព្រោះក្នុងចំណោមអ្នកប្រដាល់ថៃទាំង៤រូបដែលមកប្រកួតនៅវគ្គជម្រុះកន្លងមក មានតែ ឈោកឆៃ ម្នាក់ប៉ុណ្ណោះដែលឆ្លងផុតមកដល់វគ្គនេះបាន។ ដូច្នេះចាំមើល ផល សោភ័ណ្ឌ អាចយកឈ្នះកីឡាករថៃដោយរបៀបណា ?
ចំណែកគូប្រកួតមិត្តភាពវិញនោះមាន ម៉ៅ ដាំដូច មកពីក្លិបខ្លារខិនមានរិទ្ធ ប្រកួតជាមួយ នូវ ស៊ីថា មកពីក្លិបតាឡីដំរីមានរិទ្ធ និង គង់ ហូវ មកពីសមាគមកីឡាប្រដាល់ក្រសួងការពារជាតិ ប្រកួតជាមួយ ផាន់ ផាត់យុទ្ធ មកពីក្លិបសាលវ័ន្តកីឡា ៕
ចែករំលែកព័តមាននេះ