ខេត្តកំពង់ធំ ៖ ដើម្បីទ្រទ្រង់ដល់ព្រះពុទ្ធសាសនា ដែលជាសាសនារបស់រដ្ឋ កាលពីព្រឹកថ្ងៃទី១៤ ខែកក្កដា ឆ្នាំ២០១៥ លោកជំទាវ ម៉ែន សំអន ឧបនាយរដ្ឋមន្ត្រី រដ្ឋមន្ត្រីទំនាក់ទំនងរដ្ឋសភា ព្រឹទ្ធសភា និងអធិការកិច្ច អមដំណើរដោយលោក លោកស្រីជាគណៈប្រតិភូ និងលោក គង់ វិមាន អភិបាលរងខេត្តកំពង់ធំ
ខេត្តកំពង់ធំ ៖ ដើម្បីទ្រទ្រង់ដល់ព្រះពុទ្ធសាសនា ដែលជាសាសនារបស់រដ្ឋ កាលពីព្រឹកថ្ងៃទី១៤ ខែកក្កដា ឆ្នាំ២០១៥ លោកជំទាវ ម៉ែន សំអន ឧបនាយរដ្ឋមន្ត្រី រដ្ឋមន្ត្រីទំនាក់ទំនងរដ្ឋសភា ព្រឹទ្ធសភា និងអធិការកិច្ច អមដំណើរដោយលោក លោកស្រីជាគណៈប្រតិភូ និងលោក គង់ វិមាន អភិបាលរងខេត្តកំពង់ធំ បាននាំយកទានព្រះវស្សា ព្រមទាំងថវិកាមួយចំនួនទៅប្រគល់ជូនដល់គណៈកម្មការដែលនៅគ្រប់គ្រង និងថែរក្សា ក្នុងមជ្ឈមណ្ឌលសាសនា វប្បធម៌ និងទេសចរណ៍ សំពៅត្រៃលោកត្រៃលក្ខ័ណ៍ ស្ថិតក្នុងភូមិកាលមេឃ ឃុំត្បូងក្រពើ ស្រុកសន្ទុក ខេត្តកំពង់ធំ ។
សំពៅត្រៃលោកត្រៃលក្ខ័ណ៍នេះត្រូវបានកសាងឡើងក្រោមការជួយឧបត្ថម្ភគាំទ្រយ៉ាងយកចិត្តទុកដាក់ពីសំណាក់លោកជំទាវឧបនាយរដ្ឋមន្ត្រី ម៉ែន សំអន ដោយផ្ទាល់ រួមជាមួយពុទ្ធបរិស័ទក្នុង និងក្រៅប្រទេស និងបានដាក់សម្ពោធឲ្យប្រើប្រាស់ជាផ្លូវការកាលពីថ្ងៃទី២១ ខែមីនា ឆ្នាំ២០១៣ ដែលប្រជាពលរដ្ឋទូទៅនិយមហៅថា សំពៅមាសសំពៅប្រាក់ ដែលត្រូវបានបដិសណ្ធិឡើងនៅតាមបណ្តោយមាត់ស្ទឹងសែន ប្រកបដោយក្បាច់រចនាល្អប្រណីតទៅតាមដំណើររឿងព្រេងរបស់ព្រះពុទ្ធ សម្រាប់ជាទីសក្ការៈដល់ប្រជាពលរដ្ឋ ព្រមទាំងនាម៉ឺន មន្ត្រី គោរពប្រតិបត្តិដោយមិនប្រកាន់វណ្ណៈ ជាតិសាសន៍ ពណ៌សម្បុរ ឬក៏គណបក្សនយោបាយណានោះឡើយ ។
ក្នុងនោះដែរលោកជំទាវឧបនាយរដ្ឋមន្ត្រីក៏បានចូលរួមជាថវិការផ្ទាល់ខ្លួនចំនួន៨លាន ៨សែនរៀល សម្រាប់កសាងបន្ថែម និងជូនចាស់ព្រឹទ្ធាចារ្យក្នុងម្នាក់ៗ៥ម៉ឺនរៀល ។ លោកជំទាវក៏បានបួងសួងសូមឲ្យប្រជាពលរដ្ឋខ្មែរទូទាំងព្រះរាជាណាចក្រកម្ពុជា ដែលដឹកនាំដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជួបប្រទះតែសេចក្តីសុខក្សេមក្សាន្ត និងរីកចំរើនលើគ្រប់វិស័យ មិនតែប៉ុណ្ណោះមជ្ឈមណ្ឌលសាសនា វប្បធម៌ ទេសចរណ៍ សំពៅត្រៃលោកត្រៃលក្ខ័ណ៍ ក៏អាចរកចំណូលបានពីភ្ញៀវទេសចរណ៍ជាតិ និងអន្តរជាតិ ដែលបានមកកំសាន្តទីនេះជារៀងរាល់ថ្ងៃផងដែរ ៕
ចែករំលែកព័តមាននេះ