ប្រទេសចិន ៖ ចាប់តាំងពីថ្លែងសុន្ទរកថារិះគន់មួយ ចំពោះរបបកុំមុយនីស្តចិនកាលពីខែតុលាមក ម្ចាស់ក្រុមហ៊ុន ALIBABA មហាសេដ្ឋីជេកម៉ា បានបាត់ខ្លួនជាសាធារណៈដោយអាថ៌កំបាំង។ នេះជាសេចក្ដីរាយការណ៍របស់កាសែត FINANCIAL…
ប្រទេសចិន ៖ ចាប់តាំងពីថ្លែងសុន្ទរកថារិះគន់មួយ ចំពោះរបបកុំមុយនីស្តចិនកាលពីខែតុលាមក ម្ចាស់ក្រុមហ៊ុន ALIBABA មហាសេដ្ឋីជេកម៉ា បានបាត់ខ្លួនជាសាធារណៈដោយអាថ៌កំបាំង។ នេះជាសេចក្ដីរាយការណ៍របស់កាសែត FINANCIAL TIMES។
តើលោកជេកម៉ាបាត់មុខទៅណាទៅ? កាសែត FINANCIAL TIMES គូសបញ្ជាក់ថា មហាសេដ្ឋីចិនរូបនោះ ជាស្ថាបនិករបស់ក្រុមហ៊ុន ALIBABA រកស៊ីតាមអនឡាញដ៏កាក់កបបំផុត ហើយជាមហាសេដ្ឋីធំទី២៥ លើពិភពលោក តាមចំណាច់ថ្នាក់ របស់ BLOMOMBERG បានបាត់ខ្លួន ចាប់តាំងពីដំណាច់ខែតុលាមក។
តាំងពីពេលនោះមក លោកមិនឃើញលេចមុខជាសាធារណៈឡើយ។ មិនដឹងជាការចៃដន្យ ឬក៏ការជួនពេលគ្នា ដែលលោកជេកម៉ា កាលពីថ្ងៃទី២៤ តុលា បានថ្លែងសុន្ទរកថារិះគន់ជាពិសេសចំពោះរបបចិន ក៏ទោះបីនោះជាការលេចពាក្យចចាមអារ៉ាមក្ដី។
ប៉ុន្មានសប្ដាហ៍ចុងក្រោយនេះ អ្វីៗហាក់ដូចជាការធ្លាក់ចុះនរក សម្រាប់លោកជេកម៉ា។ បន្ទាប់ពីសុន្ទរកថាដែលអំពាវនាវឲ្យមានកែទម្រង់មួយនៃប្រព័ន្ធហិរញ្ញវត្ថុចិនមក លោកជេកម៉ាអាយុ៥៦ឆ្នាំ បានត្រូវដាំក្បាលចុះ។
លោកត្រូវបានអាជ្ញាធរកោះហៅ ហើយក្រុមហ៊ុនរកស៊ីតាមអនឡាញលោក ក៏ជាកម្មវត្ថុនៃទណ្ឌកម្មខាងហិរញ្ញវត្ថុ។ ក្រុងប៉េកាំង ធ្លាប់បានជ្រើសរើសការផ្អាកមិនឲ្យក្រុមហ៊ុន ALIBABA ចូលក្នុងក្នុងផ្សារហ៊ុន ANT ជាប្រតិបត្តិការ ដែលអាចដកប្រាក់យ៉ាងតិច៣៥ពាន់លានដុល្លារពីទីផ្សារហិរញ្ញវត្ថុ នាំឲ្យភាគហ៊ុនរបស់ក្រុមហ៊ុន ALIBABA ធ្លាក់ចុះក្នុងទីផ្សារភាគហ៊ុន។ បន្ទាប់មកនាថ្ងៃទី២៤ ធ្នូ របបកុំមុយនីស្តចិនប្រកាសពីការបើកការស៊ើបអង្កេតមួយ លើក្រុមហ៊ុននោះ ដែលសង្ស័យជាក្រុមហ៊ុនរកស៊ីផ្ដាច់មុខ។
ក្នុងរយៈពេលដ៏ខ្លីកើតមានបញ្ហាបែបនោះសម្រាប់ក្រុមហ៊ុនលោក លោកជេកម៉ាក៏បានបាត់មុខជាសាធារណៈដែរ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ