ប្រទេសនីហ្សេ ៖ មនុស្ស១០០នាក់បានត្រូវបាត់បង់ជីវិត ក្នុងការវាយប្រហារប្រឆាំងភូមិ២នៅភាគខាងលិចប្រទេសនីហ្សេ ដែលកំពុងធ្វើការបោះឆ្នោតប្រធានាធិបតី។ នោះជាមហាសោកនាដកម្មមួយដែលកើតមាន កាលពីថ្ងៃទី២មករានៅនីហ្សេ។ លោកALMOU HASSANE ចៅសង្កាត់TONDIKIWINDIដែលគ្រប់គ្រងភូមិ២…
ប្រទេសនីហ្សេ ៖ មនុស្ស១០០នាក់បានត្រូវបាត់បង់ជីវិត ក្នុងការវាយប្រហារប្រឆាំងភូមិ២នៅភាគខាងលិចប្រទេសនីហ្សេ ដែលកំពុងធ្វើការបោះឆ្នោតប្រធានាធិបតី។ នោះជាមហាសោកនាដកម្មមួយដែលកើតមាន កាលពីថ្ងៃទី២មករានៅនីហ្សេ។
លោកALMOU HASSANE ចៅសង្កាត់TONDIKIWINDIដែលគ្រប់គ្រងភូមិ២ ស្ថិតក្នុងខេត្តOUALLAMថ្លែងប្រាប់ទីភ្នាក់ងារព័ត៌មានបារាំងAFPថា យើងទើបចូលទៅកាន់ភូមិទាំង២នោះ ដែលរងការវាយប្រហារ។ នៅភូមិTCHOMBANGOU មានមនុស្សបាត់បង់ជីវិតដល់៧០នាក់ ហើយនៅភូមិZAROUMADAREYE មានមនុស្សបាត់បង់ជីវិត៣០នាក់។ ក៏មានអ្នករបួស២៥នាក់ ក្នុងនោះមួយចំនួនបញ្ជូនទៅកាន់រដ្ឋធានីនីញ៉ាម៉េ និងក្រុងQUALLAM ដើម្បីព្យាបាល។
លោកបន្តថាការវាយប្រហារធ្វើឡើងដោយពួកភេរវករ កាលពីថ្ងៃទី២មករាដែលពួកគេលើកគ្នាមក តាមម៉ូតូប្រមាណជា១០០គ្រឿង។ ដើម្បីវាយប្រហារភូមិទាំង២នោះ ដែលនៅឃ្លាតពីគ្នាប្រមាណជា៧គីឡូម៉ែត្រ ពួកភេរវករបានបំបែកកម្លាំងគ្នាជា២ក្រុម មួយក្រុមវាយប្រហារភូមិTCHOMBANGOU ហើយមួយក្រុមទៀតវាយប្រហារភូមិZAROUMADAREYE ។
តំបន់មានការវាយប្រហារស្ថិតនៅជាប់ព្រំដែនជាមួយប្រទេសម៉ាលីនិងបួរគីណាហ្វាសូ។ តំបន់នោះតែងរងការវាយប្រហារជាញឹកញាប់ចាប់តាំងពីច្រើនឆ្នាំមកហើយ ពីសំណាក់បណ្ដាក្រុមជីហាដ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ