រាជាធានីភ្នំពេញ ៖ ប្រតិភូអតីតគណបក្សសង្គ្រោះជាតិដែលក្នុងនោះមានលោកស្រី មួរ សុខហួរ ដែរនោះ បានប្រកាសថា គម្រោងវិលត្រឡប់មកប្រទេសកម្ពុជា ត្រូវបានពន្យាជាថ្មីម្តងទៀត ដោយសារតែកត្តាជើងហោះហើរបានបែប្រួល ខណៈអ្នកនាំពាក្យគណបក្សប្រជាជនកម្ពុជាបានអះអាងថា ការលើកពេលនេះ គឺបញ្ជាក់យ៉ាងច្បាស់ថា លោកស្រី មួរ សុខហួរ និងក្រុមប្រតិភូរបស់គាត់ កំពុងតែបោកប្រាស់អ្នកគាំទ្រទៀតហើយ ។
យ៉ាងណាមិញ ប្រតិភូអតីតគណបក្សសង្គ្រោះជាតិ បានអះអាងថា ការពន្យាពេលគឺដោយសារតែយន្តហោះក្រុមហ៊ុនអាកាសចរណ៍ EVA Airways ដែលខ្លួននឹងមកកម្ពុជានៅថ្ងៃទី៤ខែមករា ឆ្នាំ២០២១ ស្អែកនេះ ត្រូវបានលើកពេលទៅថ្ងៃទី១៥ មករាវិញ។
យោងតាមសេចក្តីប្រកាសព័ត៌មានរបស់អតីតគណបក្សសង្គ្រោះជាតិចេញផ្សាយនៅថ្ងៃទី២ ខែមករា ឆ្នាំ២០២១ បានឲ្យដឹងថា លោកស្រី មួរ សុខហួរ អតីតមន្ត្រីជាន់ខ្ពស់បក្សសង្គ្រោះជាតិ និងប្រតិភូអមដំណើរ ត្រូវធ្វើដំណើរចេញពីអាមេរិក នៅថ្ងៃទី៤ ខែមករា ឆ្នាំ២០២១ខាងមុខនេះ បានផ្អាកការហោះហើរ ដូច្នេះដំណើរមាតុភូមិនិវត្តន៍របស់ពួកគាត់ ត្រូវបានលើកពេលទៅថ្ងៃទី១៥ ខែមករា ឆ្នាំ២០២០ វិញ តាមយន្តហោះ ក្រុមហ៊ុនអាកាសចរ ណ៍ Singapore Airlines។
សេចក្ដីប្រកាសព័ត៌មានដដែល បានឲ្យដឹងថា «ដោយយន្ដហោះនៃក្រុមហ៊ុនអាកាសចរណ៍ EVA Aiways ដែលលោកស្រី មូរ សុខហួរ និងប្រតិភូអមដំណើរ ត្រូវធ្វើដំណើរចេញពីសហរដ្ឋអាមេរិក នៅថ្ងៃទី៤ ខែធ្នូ ឆ្នាំ២០២១ខាងមុខនេះ បានផ្អាកការហោះហើរ ដូច្នេះដំណើរមាតុភូមិនិវត្តន៍របស់ថ្នាក់ដឹកនាំគណបក្សសង្គ្រោះជាតិ ត្រូវលើកពេលទៅថ្ងៃទី១៥ ខែមករា ឆ្នាំ២០២១ វិញ តាមយន្ដហោះនៃក្រុមហ៊ុនអាកាសចរណ៍ Singapore Airlines»។
ប្រភពដដែលបញ្ជាក់ថា ក្នុងករណីយន្ដហោះនៃក្រុមហ៊ុនអាកាសចរណ៍ Singapore Airlines ដែលត្រូវចេញដំណើរពីសហរដ្ឋអាមេរិក នៅថ្ងៃទី១៥ ខែមករា ឆ្នាំ២០២០ ខាងមុខនេះ មិនមានការប្រែប្រួលនោះ លោកស្រី មូរ សុខហួរ និងប្រតិភូអមដំណើរ នឹងទៅដល់ព្រលានយន្ដហោះអន្ដរជាតិភ្នំពេញ នៅថ្ងៃទី១៧ ខែមករា ឆ្នាំ២០២០ វេលាម៉ោង៥ល្ងាច តាមជើងហោះហើរលេខ SQ500B។
សូមជម្រាបថា អតីតមន្ត្រីជាន់បក្សប្រឆាំងដែលកំពុងស្ថិតនៅក្រៅប្រទេសបានប្រកាសចូលមកកម្ពុជាជាច្រើមលើកមកហើយ ប៉ុន្តែមិនបានមកដូចការសន្យានោះទេ។ យ៉ាងណាមិញ គេកំពុងរង់ចាំមើលការសន្យាម្តងនេះថា តើក្រុមអ្នកប្រឆាំងមួយនេះ និងមកចូលការសន្យាដែរឬទេ ឬបានតែសន្យាខ្យល់? ។
ថ្លែងប្រាប់សារព័ត៌មានកោះសន្តិភាពនាថ្ងៃទី៣ ខែមករា ឆ្នាំ២០២១នេះ លោក សុខ ឥសាន្ត អ្នកនាំពាក្យគណបក្សប្រជាជនកម្ពុជាបានបញ្ជាក់ថា លោកស្រីមួរ សុខហួរ (យាយហួរ) បានបោកអ្នកគាំទ្រខ្លួនទៀតហើយ។ ការលើកឡើងរបស់អ្នកនាំពាក្យបន្ទាប់លោកស្រី មួរ សុខហួរ បានប្រកាសថា មកស្រុកខ្មែរនៅថ្ងៃទី៤មករា តែបែរជាលើកពេលទៅថ្ងៃទី១៥ ខែមករាវិញ។
លោក សុខ ឥសាន បានឲ្យដឹងថា «លើកនេះយាយហួរភូតទៀតហើយ ។ បើនៅតែចាញ់បោកទៀត ឲ្យលុយយាយហួរចាយទៀតទៅ ក្រែងមិនបានចុះនរក »។
ជាមួយគ្នានោះដែរ អ្នកនាំពាក្យបក្សកាន់អំណាចក៏បានលើកឡើងថា មានប្រជាប្រិយភាព ឬអត់ប្រជាប្រិយភាព គេមើលលទ្ធផលបោះឆ្នោតតើមានប៉ុន្មាន%គាំទ្រ ជាទូទៅលើស ពី៥០% គឺភាគច្រើនគាំទ្រហើយ ។ ចំពោះគណបក្សប្រជាជនកម្ពុជា មានការគាំទ្រដល់ទៅ៨០%ឯណោះ។
លោកបានបន្តថា ទោះបីមានជនមួយចំនួនតូចនិយាយមួលបង្កាច់យ៉ាងណា ក៏គណបក្សប្រជាជនកម្ពុជាទាញបានបេះដូងប្រជាជនតាមរយៈការចុះជាប់ដឹងសុខទុក្ខប្រជាជន និងបម្រើប្រជាជន ។ នៅឆ្នាំ២០១៣ ទោះបីថា គណបក្សប្រជាជនធ្លាក់ចុះប្រជាប្រីយភាពក៏ គណបក្សប្រជាជនកម្ពុជាបានសម្លេងឆ្នោតជាង៥០%ដែរ ឯអតីតបក្សប្រឆាំងអួតថា មានប្រជាប្រីយភាពនោះបានតែជា៤០%ប៉ុណ្ណោះ នៅតែចាញ់ដដែល ។ ហើយនៅឆ្នាំ២០១៣គណបក្សប្រជាជនកម្ពុជាបាន៦៨អាសនៈក្នុងសភា ឯបក្សប្រឆាំងបានតែ ៥៥កៅអីគឺចាញ់ដាច់១៣កៅអីឯណោះកុំជោរចាញ់នៅតែចាញ់ ។
លោកក៏បានលើកឡើងថា របបគណបក្សប្រជាជនកម្ពុជាដឹកនាំបានជាង៤០ឆ្នាំហើយមិនទាន់ចប់ទៀត គឺជារបបប្រជាធិបតេយ្យ និងគោរពសិទ្ធិប្រជាជនដោយសារប្រជានគាំទ្រ ។ លោកបញ្ជាក់ថា «មានតែមនុស្សខូចទេ ដែលចោទថា រាជរដ្ឋាភិបាលកម្ពុជាផ្តាច់ការ ដោយសារពួកវាបម្រើនយោបាយទុច្ចរិតរបស់ក្រុមឧទ្ទាមក្រៅច្បាប់» ៕
ចែករំលែកព័តមាននេះ