ក្រុមហ៊ុន Microsoft ក្រុមបានប្រកាសពីពេលថ្មីៗថា ខ្លួននឹងប្រើយុទ្ធសាស្ដ្រវាយលុកទីផ្សារស្មាតហ្វូនរូបរាងថ្មីដោយផលិតឱ្យបាន ៦ ម៉ូដែលក្នុង១ឆ្នាំ ។ ការប្រកាសនេះត្រូវធ្វើឡើងភ្លា្មៗបន្ទាប់ពីក្រុមហ៊ុន Software របស់អាមេរិកមួយនេះជម្រុះបុគ្គលិករបស់ខ្លួនចំនួន ៧៨០០ នាក់កាលពីពេលថ្មីៗនេះ ។
គម្រោងទីផ្សារថ្មីនេះនឹងមិនលេចរូបរាងនៅឆ្នាំក្រោយទេ ពោលគឺរយៈពេលប៉ុន្មានឆ្នាំខាងមុខ តែទាមទារឱ្យក្រុមហ៊ុន Microsoft ត្រូវស្ទាបស្ទង់ស្ថានភាពទីផ្សារស្មាតហ្វូន ព្រមទាំងពង្រីកផលិតផលបានកាន់តែទទួលបានការប្រើប្រាស់ពីអតិថិជនច្រើនជាងមុន ។ ក្រុមហ៊ុននៅតែផ្ដោតសំខាន់លើផលិតផលរបស់ខ្លួនដូចជា ស្មាតហ្វូន Lumia, Tablet Surface, Console, ឧបករណ៍ពាក់ក្បាល Hololens និងអាជីវកម្មផ្សេងទៀតក្នុងបច្ចេកវិទ្យា ។ នាយកប្រត្តិបត្តិក្រុមហ៊ុន Microsoft លោក Satya Nadella និយាយថា នេះគឺជាគម្រោងទីផ្សារថ្មីរបស់ក្រុមហ៊ុន ហើយវានឹងឈានទៅរកភាពជោគជ័យក្នុងអាជីវកម្មស្មាតហ្វូន នាពេលខាងមុខ ។
គិតមកដល់ពេលបច្ចុប្បន្ននេះក្រុមហ៊ុនMicrosoft មានស្មាតហ្វូនចំនួន១៤ ម៉ូដែលតាំងពីឆ្នាំ ២០១៤ មកបន្ទាប់ពីទិញអាជ្ញាប័ណ្ណពីក្រុមហ៊ុនហ្វាំងឡង់ Nokia ព្រមទាំងបានចរាចរណ៍លើទីផ្សារពិភពលោកផងដែរ ។ ងាកទៅមើលការនាំចេញស្មាតហ្វូនទៅកាន់ពិភពលោកក្នុងត្រីមាសទី១ ឆ្នាំ២០១៥ មានចំនួន៨,៦ លានគ្រឿង។ តាមរយៈតួលេខនេះបង្ហាញពីការធ្លាក់ចុះដែលកាលពីត្រីមាសទី១ ឆ្នាំ២០១៤ មានចំនួន ១០,៥ លានគ្រឿង ។
ចែករំលែកព័តមាននេះ