នាយករដ្ឋមន្ត្រី ឲ្យល្បាតតាមព្រំដែនឲ្យម៉ឺងម៉ាត់ ក្រោយរកឃើញពលករមកពីថៃ ឆ្លងកូវីដច្រើន
- ភ្នំពេញ
ភ្នំពេញ៖ សម្តេចតេជោ នាយករដ្ឋមន្ត្រី ហ៊ុន សែន បានប្រកាសដាក់ចេញនូវបទបញ្ជា និងវិធានការបន្ទាន់ ដោយឲ្យកម្លាំងទាំងអស់ គ្រប់គ្រងឲ្យបានហ្មត់ចត់ តាមច្រកព្រំដែន…
ភ្នំពេញ៖ សម្តេចតេជោ នាយករដ្ឋមន្ត្រី ហ៊ុន សែន បានប្រកាសដាក់ចេញនូវបទបញ្ជា និងវិធានការបន្ទាន់ ដោយឲ្យកម្លាំងទាំងអស់ គ្រប់គ្រងឲ្យបានហ្មត់ចត់ តាមច្រកព្រំដែន…
ភ្នំពេញ៖ សម្តេចតេជោ នាយករដ្ឋមន្ត្រី ហ៊ុន សែន បានប្រកាសដាក់ចេញនូវបទបញ្ជា និងវិធានការបន្ទាន់ ដោយឲ្យកម្លាំងទាំងអស់ គ្រប់គ្រងឲ្យបានហ្មត់ចត់ តាមច្រកព្រំដែន និងច្រករបៀង ដាច់ខាត មិនឲ្យមានអ្នកលួចឆ្លងដែន ចូលក្នុងប្រទេសយើង ដោយមិនបានយកសំណាក ឬពិនិត្យ និងធ្វើចត្តាឡីស័កនោះ។
បទបញ្ជាម៉ឹងម៉ាត់នេះ ត្រូវបានសម្តេចតេជោ ហ៊ុន សែន ប្រកាសក្នុងសារពិសេសបន្ទាន់ នៅព្រលប់ថ្ងៃទី៣១ ខែធ្នូ ឆ្នាំ២០២០ បន្ទាប់ពីសម្តេចប្រកាសថា កាលពីថ្ងៃម្សិលមិញ ( ថ្ងៃទី៣០ធ្នូ ) រកឃើញពលករខ្មែរ ឆ្លងកូវីដ១៩ ចំនួន ២នាក់ ហើយនៅថ្ងៃទី៣១ ខែធ្នូនេះ គិតត្រឹមម៉ោង ៥ល្ងាច មានអ្នកឆ្លង ៦នាក់។ ក្នុងនោះ វិទ្យាស្ថានប៉ាស្ទ័រកម្ពុជា ក៏បានបញ្ជាក់មកថា មានករណីសង្ស័យជាច្រើនទៀត ដែលសរុបទៅ អាចមានអ្នកឆ្លងកូវីដពីថៃ កើនឡើងដល់ជាង ១០នាក់។
សម្តេចតេជោ ហ៊ុន សែន ក៏បានដាក់បទបញ្ជាឲ្យកងទ័ព បញ្ឈប់សកម្មភាពដឹកជញ្ជូនពលករ ដែលឆ្លងដែនពីថៃ ទៅកាន់បណ្តាខេត្តនានា ដោយរៀបចំពិនិត្យសំណាក និងធ្វើចត្តាឡីស័ក នៅខេត្តតាមព្រំដែនទាំងនោះ ជៀសវាងការឆ្លងរាលដាលក្នុងសហគមន៍នៅកម្ពុជាជាថ្មីទៀត។
សម្តេចតេជោ ក៏បានបញ្ជាទៅកាន់អាជ្ញាធរសមត្ថកិច្ចខេត្តនៅខាងក្រោយ ត្រូវពិនិត្យឲ្យបានហ្មត់ចត់លើពលករចំណាកស្រុក ដែលទើបមកពីថៃដោយស្ងាត់ៗ ត្រូវចុះទៅយកសំណាក និងណែនាំឲ្យធ្វើចត្តាឡីស័កត្រឹមត្រូវ ជៀសវាងការឆ្លងទៅក្រុមគ្រួសារ និងសហគមន៍៕ ដោយ៖ ពៅ រក្សា
ចែករំលែកព័តមាននេះ