ភ្នំពេញ៖ បន្ទាប់ពីទទួលព្រះរាជសាររបស់ព្រះករុណា ព្រះមហាក្សត្រ ដែលបានចូលរួមអបអរសាទរចំពោះតំណក់ប្រេងលើកដំបូងរបស់កម្ពុជា កាលពីថ្ងៃទី២៩ ខែធ្នូ ឆ្នាំ២០២០ គឺនៅព្រលប់ថ្ងៃទី៣០ ខែធ្នូនេះ សម្តេចតេជោ…
ភ្នំពេញ៖ បន្ទាប់ពីទទួលព្រះរាជសាររបស់ព្រះករុណា ព្រះមហាក្សត្រ ដែលបានចូលរួមអបអរសាទរចំពោះតំណក់ប្រេងលើកដំបូងរបស់កម្ពុជា កាលពីថ្ងៃទី២៩ ខែធ្នូ ឆ្នាំ២០២០ គឺនៅព្រលប់ថ្ងៃទី៣០ ខែធ្នូនេះ សម្តេចតេជោ នាយករដ្ឋមន្ត្រី ហ៊ុន សែន ក្រាបបង្គំទូលថ្វាយសារលិខិត ថ្វាយព្រះមហាក្សត្រ។
ក្នុងសារលិខិត ជាបឋម សម្តេចតេជោ សូមព្រះបរមរាជានុញ្ញាតថ្លែងអំណរព្រះរាជគុណ ប្រកបដោយបីតិសោមនស្សរីករាយជាអនេកប្បការ ថ្វាយព្រះករុណាថ្លៃវិសេស ដែលព្រះអង្គ ទ្រង់ស្តេចសព្វព្រះរាជហឫទ័យ ប្រោសព្រះរាជទាននូវការកោតសរសើរ និងប្រទានព្រះពរ លើកទឹកចិត្តដល់សម្តេច នាឱកាសរំឭកខួបអនុស្សាវរីយ៍ លើកទី២២ នៃការអនុវត្តដោយជោគជ័យនយោបាយឈ្នះឈ្នះ គាប់ជួននឹងការបើកទំព័រប្រវត្តិសាស្ត្រថ្មី ដែលព្រះរាជាណាចក្រកម្ពុជា ទទួលបានតំណក់ប្រេងលើកដំបូង។
ក្នុងសារលិខិត សម្តេចតេជោ ហ៊ុន សែន បានបញ្ជាក់ថា «ស្ថិតក្នុងវរោកាសប្រកបដោយមោទកភាពជាតិដ៏ខ្ពង់ខ្ពស់ជាអតិបរមានេះ ទូលព្រះបង្គំជាខ្ញុំ សូមព្រះបរមរាជានុញ្ញាតសាជាថ្មី ដើម្បីបញ្ជាក់នូវសក្ខីកម្មជាវិជ្ជមានពាក់ព័ន្ធនឹងមហាជោគជ័យជាប្រវត្តិសាស្ត្រធំធេងជាច្រើនឥតគណនាដោយព្រតេជានុភាព ពិសេសចាប់តាំងពីព្រះករុណា ជាអម្ចាស់ជីវិតលើត្បូអ ទ្រង់ស្តេចឡើងគ្រងព្រះបរមសិរីរាជសម្បត្តិជាអង្គព្រះមហាក្សត្រ នៃព្រះរាជាណាចក្រកម្ពុជា ថ្មីៗនេះទៀត ជោគលាភប្រត្យ័ក្សបំផុតនោះ គឺការទទួលបានតំណក់ប្រេងលើកដំបូង ជាការចាប់ផ្តើមបើកទំព័រប្រវត្តិសាស្ត្រថ្មី ក្នុងការអភិវឌ្ឍន៍លើវិស័យឧស្សាហកម្មប្រេងកាត ដែលជាសក្តានុពលសេដ្ឋកិច្ច នៃព្រះរាជាណាចក្រកម្ពុជា កាន់តែរីកចម្រើន និងជឿនលឿនជាបន្តបន្ទាប់ទៀត»៕
ចែករំលែកព័តមាននេះ