ខេត្តកោះកុង ៖ ដូចការគ្រោងទុករបស់លោកទៀ សុខា ប្រធានចលនាយុវជនកម្ពុជាក្រុម១៥៧ សាខាខេត្តព្រះសីហនុ រួមទាំង លោកស្រេង ហុង ប្រធានចលនាយុវជនកម្ពុជាក្រុម១៥៧ សាខាខេត្តកោះកុង បានធ្វើពិធីប្រគល់អំណោយរបស់ចលនាយុវជនកម្ពុជាក្រុម១៥៧ ប្រគេនជូនព្រះសង្ឃ និងលោកមេឃុំទាំង៣ គឺឃុំជំនាប់ ឃុំប្រឡាយ និងឃុំថ្មដូនពៅ កាលពីថ្ងៃទី០៤ កក្កដា ២០១៥ ស្ថិតនៅសាលាស្រុកថ្មបាំង ។
សម្ភារដែលត្រូវប្រគល់ជូនមាន ១-កង់ចំនួន១២គ្រឿង ក្នុង១ឃុំទទួលបាន៤គ្រឿង, ២-ផ្ទាំងសូឡាចំនួន៥គ្រឿង ក្នុង១ឃុំទទួលបាន១គ្រឿង (សាលាបឋមសិក្សាទទួលបាន១គ្រឿង និងអនុវិទ្យាល័យទទួលបាន១គ្រឿង) ៣-អាយកូម៥គ្រឿង ក្នុងឃុំប្រឡាយទទួលបាន៣គ្រឿង និងឃុំជំនាប់ទទួលបាន២គ្រឿង, ៤-ម៉ាស៊ីនបូមទឹក១កំប្លេរ (ទុយោ) ប្រគេនដល់វត្តសុវណ្ណឧទ្យាន ៥-ម៉ាស៊ីនព្រីន២គ្រឿង (អនុវិទ្យាល័យទទួលបាន១គ្រឿង និងបឋមសិក្សាទទួលបាន១គ្រឿង) ៦-កុំព្យូទ័រយួរដៃ២គ្រឿង អនុវិទ្យាល័យទទួលបាន១គ្រឿង និងបឋមសិក្សាទទួលបាន១គ្រឿង ។
គួររំលឹកថា ដោយធ្លាប់បានអះអាងនៅមុខប្រជាពលរដ្ឋប្រជាពលរដ្ឋជាង១០០០នាក់ កាលពីថ្ងៃទី២៨ មិថុនា ២០១៥ កន្លងមក សបញ្ជាក់បានថា ចលនាយុវជនកម្ពុជាក្រុម១៥៧ ពិតជាប្រកាន់នូវសច្ចៈធម៌ ក្នុងការនិយាយទៅកាន់បងប្អូននៅស្រុកថ្មបាំងតំបន់អារ៉ែង មិនមែនជាការកុហក ប៉ុន្តែវាបានស្តែងចេញនូវសកម្មភាពមនុស្សធម៌ពិតៗ មិនពាក់ព័ន្ធនឹងរឿងនយោបាយឡើយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ