ស្បូនស្រុតមានន័យថា វាមិននៅចំកន្លែងធម្មតា គឺអាចធ្លាក់មកក្រោមបន្តិច តែបើធ្ងន់ធ្ងរស្បូននេះអាចនឹងធ្លាក់មកនៅជាប់រន្ធយោនី ឬធ្លាក់មកក្រៅមាត់ទា្វរមាសតែម្តង មើលឃើញដុំសាច់ក្រហមជាប់នឹងទ្វារមាសស្ត្រី ។
ស្បូនស្រុតមានន័យថា វាមិននៅចំកន្លែងធម្មតា គឺអាចធ្លាក់មកក្រោមបន្តិច តែបើធ្ងន់ធ្ងរស្បូននេះអាចនឹងធ្លាក់មកនៅជាប់រន្ធយោនី ឬធ្លាក់មកក្រៅមាត់ទា្វរមាសតែម្តង មើលឃើញដុំសាច់ក្រហមជាប់នឹងទ្វារមាសស្ត្រី ។ ប៉ុន្តែការធ្លាក់មកក្រៅទ្វារមាសនេះមិនមែនដុំស្បូននោះធ្លាក់មកភ្លាមៗទេគឺធ្លាក់ម្តងបន្តិចៗយូរខែឆ្នាំទើបឈានដល់ដំណាក់កាលធ្ងន់ធ្ងរដែលភាគច្រើនជាស្ត្រីមានវ័យចំណាស់ ។
មូលហេតុដែលបណ្តាលឲ្យស្រុតស្បូននេះមានហេតុផលច្រើនណាស់តែបើបំព្រួញនៅត្រឹមតែពីរយ៉ាងគឺ៖
១-ស្ត្រីមានកូនច្រើនៈ ក្នុងពេលសម្រាលកូនម្តងៗ ស្បូនរីកធំឡើងៗ សរសៃដែលទ្រទ្រង់ស្បូនក៏យឺតឡើង និងខ្សោយបន្តិចម្តងៗ។
២-ធ្វើការងារធ្ងន់ៈ ពេលសម្រាលកូនរួចម្តងៗ ស្ត្រីមិនសូវយកចិត្តទុកដាក់នៅក្នុងការថែទាំសុខភាពឲ្យបានល្អទេគឺសម្រាលកូនរួចធ្វើការងារធ្ងន់ភ្លាមដោយមិនទាន់ទាំងរឹងសរសៃផង ។
ជាក់ស្តែងដូចស្ត្រីម្នាក់ឈ្មោះ កាន អាយុ៥៨ឆ្នាំ មកពីខេត្តស្វាយរៀង ដែលមកធ្វើការវះជំងឺស្រុតស្បូននៅមន្ទីរពេទ្យមិត្តភាពខ្មែរសូវៀត បានប្រាប់កោះសន្តិភាពថា គាត់មានកូនដល់ទៅ១០នាក់ស្លាប់៣នាក់ តែដោយសារជាអ្នកស្រែចំការ រាល់ពេលសម្រាលកូនម្តងៗបានតែមួយសប្តាហ៍ ឬ១០ថ្ងៃប៉ុណ្ណោះ អ្នកស្រីនៅមិនសុខទេ ទៅស៊ីឈ្នួលដកស្ទូងច្រូតកាត់ស្រូវ រែកដី កាប់គាស់ដី ស្ទើរតែគ្មានថ្ងៃសម្រាកដើម្បីរកប្រាក់មកចិញ្ចឹមកូន លុះដល់ចូលវ័យចាស់ក៏កើតមានជំងឺនេះ ។
ស្ត្រីរូបនោះបានបញ្ជាក់ថា គាត់កើតមានជំងឺនេះជាង២០ឆ្នាំមកហើយ ចេះតែមានអាការៈវិលមុខ ឈឺក្បាល អស់កម្លាំង ជាពិសេសរយៈពេលប្រាំឆ្នាំចុងក្រោយនេះស្រាប់តែឃើញមានដុំសាច់ធ្លាក់ចុះមកតាមស្បូនកាន់តែធំទៅៗ សូម្បីតែអង្គុយក៏មានស្នាមសើម ទើបគាត់សម្រេចចិត្តមកពិនិត្យ និងធ្វើការវះកាត់តែម្តង ហើយពេលនេះអ្នកស្រីមានសុខភាពធម្មតាឡើងវិញហើយ ៕
ចែករំលែកព័តមាននេះ