ផ្អែកតាមការបកស្រាយរបស់គេហទំព័របរទេសមួយទម្លាយឲ្យដឹងថាសម្រាប់ស្ត្រីមានកូនតូចជាលើកដំបូងឬថ្មីថ្មោងខណៈទារកដ៏គួរឲ្យស្រឡាញ់នោះឈឺឬក៏មិនស្រួលខ្លួនគួរអនុវត្តវិធីសាស្ត្រដូចខាងក្រោម៖
១-នៅពេលទារកស្រែកយំលួងយ៉ាងណានៅតែមិនបាត់យំជំហានទី១របស់លោកអ្នកគឺលើទារកឡើងហើយអង្រួនតិចៗ តែបើនៅមិនបានផលគប្បីដាក់ទារកផ្តេកនៅកន្លែងសុវត្ថិភាពណាមួយហើយដើរចេញពីគេប៉ុន្មាននាទីសិន។
២-តាមសេចក្តីណែនាំខាងមន្ទីរពេទ្យកុមារសហរដ្ឋអាមេរិកគឺរក្សាភាពកក់ក្តៅដល់ទារកឬកូនតូចរបស់អ្នកឲ្យបានគ្រប់គ្រាន់។ ពេលខ្លះជំងឺគ្រុនក្តៅរបស់ទារកបើកាលណាខ្វះភាពថែទាំធ្វើឲ្យអាការៈក្មេងសិ្ថតក្នុងសភាពគ្រោះថ្នាក់ ។
៣-កុំសូវខ្វល់ពីកិច្ចការដទៃគឺផ្តោតការយកចិត្តទុកដាក់តែទៅលើទារកដែលកំពុងស្ថិតលើដៃរបស់អ្នកនិងលៃយ៉ាងណាថ្នាក់ថ្នមគេប្រកបដោយភាពកក់ក្តៅ។
៤-ជួយជំរុញកូនតូចរបស់អ្នកដោយការបំបៅដោះ ឬបំបៅទឹកដោះគោឲ្យបានគ្រប់គ្រាន់។
៥-ទាក់ទងទូរស័ព្ទរកបងប្អូនញាតិមិត្តឲ្យជួយអ្នកដើម្បីបានសម្រាកខ្លះ ។ កុំមានអារម្មណ៍ខ្លាចរអែងចិត្តឲ្យសោះក្នុងការពឹងពាក់ពួកគាត់ឲ្យជួយប្រសិនជាការចាំបាច់។ សូមចងចាំថាអ្នកជិតខាងទាំងចាស់ទាំងក្មេងនឹងមកជួយដល់អ្នកប្រសិនអ្នកត្រូវការពួកគាត់ ៕
ចែករំលែកព័តមាននេះ