សារព័ត៌មានបរទេសកាលពីពេល ថ្មីៗនេះផ្សាយថា តុលាការកំពូលអាមេរិកមានមតិភាគច្រើន៥ទល់៤ សំឡេងគាំទ្រឱ្យប្រហារជីវិតអ្នកទោសដោយប្រើវិធីសាស្ត្រចាក់ថ្នាំពុល និងប្រើថ្នាំសណ្តុំប្រភេទ Midajolam
សារព័ត៌មានបរទេសកាលពីពេល ថ្មីៗនេះផ្សាយថា តុលាការកំពូលអាមេរិកមានមតិភាគច្រើន៥ទល់៤ សំឡេងគាំទ្រឱ្យប្រហារជីវិតអ្នកទោសដោយប្រើវិធីសាស្ត្រចាក់ថ្នាំពុល និងប្រើថ្នាំសណ្តុំប្រភេទ Midajolam ដោយផ្តល់ហេតុផលថា ជាការដាក់ទោសមិនផ្ទុយរដ្ឋធម្មនុញ្ញ។ រដ្ឋធម្មនុញ្ញអាមេរិកហាមកាត់ទោសប្រហារជីវិតដោយធ្វើ «ទារុណកម្ម» និង «ខុសពីធម្មជាតិ» ។
ច្បាប់នោះឈរលើជំហរនៃការសម្រេចកាលពីខែមេសា ២០០៨ និងចាត់ទុកថា ជាការបរាជ័យរបស់អង្គការផ្នែកសិទ្ធិមនុស្សនៅសហរដ្ឋអាមេរិកដែលចង់ឱ្យលុបចោលការដាក់ទោសប្រហារជីវិត ។ បច្ចុប្បន្ននៅសល់តែអាមេរិក សម្រាប់រដ្ឋអាឡាបាម៉ា, អារីសូណា, ល្វីស៊ីណា, អូក្លាហូម៉ា និងរដ្ឋវើជីនៀ នៅប្រកាន់ជំហរចាក់ថ្នាំសណ្តំ Midajolam ដល់អ្នកទោសប្រហារជីវិត ។
ការប្រហារជីវិតអ្នកទោសនៅសហរដ្ឋអាមេរិកដោយប្រើវិធីសាស្ត្រចាក់ថ្នាំសណ្តំចូលក្នុងប្រព័ន្ធឈាម រងការរិះគន់ខ្លាំងកាលពីឆ្នាំមុនក្រោយពេលមាន «កំហុសឆ្គង» ចំពោះការចាក់ថ្នាំប្រហារជីវិតលើអ្នកទោសជាច្រើនលើក។
បណ្តាមេធាវីរបស់អ្នកទោសបានសម្តែងការមិនពេញចិត្តថា វិធីសាស្ត្រនោះជាការបង្កើនទុក្ខវេទនាដែលមិនចាំបាច់នៅមុនពេលស្លាប់ ។ ចំណែកក្រុមហ៊ុនផលិតឱសថជាច្រើនបានផ្អាកលក់ថ្នាំសណ្តំដល់ពន្ធនាគារដោយបារម្ភអាចកើតបញ្ហានៅពេលក្រោយ ៕
ចែករំលែកព័តមាននេះ