ខេត្តកំពង់ឆ្នាំង ៖ ទឹកប្រាក់ចំនួន៦លានរៀល ដែលជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន រួមទាំងគ្រឿងឧបភោគ បរិភោគមួយចំនួនទៀត ត្រូវបានលោកជំទាវម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា រួមដំណើរដោយលោកអ៊ុន សំអុល ប្រធានគណៈកម្មាធិការសាខាកាកបាទក្រហមខេត្ត និងសមាជិក សមាជិកា កាកបាទក្រហមខេត្ត
ខេត្តកំពង់ឆ្នាំង ៖ ទឹកប្រាក់ចំនួន៦លានរៀល ដែលជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន រួមទាំងគ្រឿងឧបភោគ បរិភោគមួយចំនួនទៀត ត្រូវបានលោកជំទាវម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា រួមដំណើរដោយលោកអ៊ុន សំអុល ប្រធានគណៈកម្មាធិការសាខាកាកបាទក្រហមខេត្ត និងសមាជិក សមាជិកា កាកបាទក្រហមខេត្ត នាំយកទៅប្រគល់ជូនស្ត្រីមេម៉ាយម្នាក់ មានជំងឺរលាកប្លោកនោម និងមហារីកពោះវៀនធ្ងន់ធ្ងរ និងជនចាស់ជរាពិការគ្មានទីពឹង ចំនួន៤នាក់ រស់នៅក្នុងស្រុករលាប្អៀរ កាលពីវេលាព្រឹកថ្ងៃទី០១ កក្កដា ២០១៥ ។
លោកប្រាក់ សោភ័ណ្ឌ នាយកប្រតិបត្តិសាខាកាកបាទក្រហមខេត្តកំពង់ឆ្នាំងបានឱ្យដឹងថា អំណោយដែលបានចែកជូននៅព្រឹកនេះ មានស្ត្រីមេម៉ាយមានជំងឺធ្ងន់ធ្ងររលាកប្លោកនោម និងមហារីកពោះវៀនធ្ងន់ធ្ងរ មានកូនចំនួន៣នាក់ក្នុងបន្ទុកឈ្មោះតុល ចាន់នី អាយុ៤៧ឆ្នាំ រស់នៅក្នុងភូមិកំពង់រាំង ឃុំស្វាយជ្រុំ ស្រុករលាប្អៀរទទួលបានអង្ករ៥០គីឡូក្រាម, មី១កេស, ត្រីខ១០កំប៉ុង, ទឹកសុទ្ធ១កេស, ឃីត១កញ្ចប់ (ភួយ១, ក្រម៉ា១, មុង១, សារុង១) ទឹកដោះគោខាប់ស្ករ.ស និងថវិកា២លានរៀល ។
លោកយាយចាស់ជរាពិការគ្មានទីពឹង៤នាក់ ១-ឈ្មោះប្រាក់ ហ៊ុយ អាយុ៨២ឆ្នាំ រស់នៅក្នូងភូមិកំពង់រាំង ឃុំស្វាយជ្រុំ, ២-ឈ្មោះ ប្រាក់យ៉ាន់ អាយុ៨១ឆ្នាំ ភូមិពង្រឃុំពង្រ, ៣-ឈ្មោះចក់ ហុន អាយុ៦៦ឆ្នាំ នៅភូមិព្រៃខ្មែរ ឃុំរលាប្អៀរ និង៤-ឈ្មោះហួយ អាយុ៨១ឆ្នាំ នៅភូមិស្ពករាជ្យ ឃុំអណ្តូងស្នាយក្នុងស្រុករលាប្អៀរ ដោយក្នុងម្នាក់ៗទទួលបានអង្ក៥០គីឡូក្រាម, មី១កេស, ត្រីខ១០កំប៉ុង, ទឹកសុទ្ធ១កេស, ឃីត១ កញ្ចប់( ភួយ១.ក្រម៉ា១,មុង១,សារុង១) ទឹកដោះគោខាប់ស្ករស និងថវិកាម្នាក់ៗ១លានរៀលផងដែរ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ