រាជធានីភ្នំពេញ ៖ សម្រាប់ពលរដ្ឋខ្មែរដែលមានវ័យចំណាស់ និងជាអ្នកនិយមចូលចិត្តល្ខោនបាសាក់ប្រាកដជានៅចាំច្បាស់តួសម្តែងចៅព្រាមកេសរ នៅក្នុងរឿងព្រះលក្សិណវង្ស ដ៏ល្បីឈ្មោះមួយដួងជាក់ជាមិនខាន ។ តែយ៉ាងណាមិញ ស្ថានភាពនាពេលបច្ចុប្បន្នរបស់តួអង្គល្ខោនបាសាក់រូបនេះ ហាក់មិនសូវល្អប្រសើរនោះឡើយ…
រាជធានីភ្នំពេញ ៖ សម្រាប់ពលរដ្ឋខ្មែរដែលមានវ័យចំណាស់ និងជាអ្នកនិយមចូលចិត្តល្ខោនបាសាក់ប្រាកដជានៅចាំច្បាស់តួសម្តែងចៅព្រាមកេសរ នៅក្នុងរឿងព្រះលក្សិណវង្ស ដ៏ល្បីឈ្មោះមួយដួងជាក់ជាមិនខាន ។ តែយ៉ាងណាមិញ ស្ថានភាពនាពេលបច្ចុប្បន្នរបស់តួអង្គល្ខោនបាសាក់រូបនេះ ហាក់មិនសូវល្អប្រសើរនោះឡើយ ដោយសារតែគាត់កំពុងតែមានជំងឺធ្ងន់ធ្ងរហើយកំពុងតែត្រូវការវះកាត់សង្គ្រោះបន្ទាន់ផងដែរ ។
បើតាមការឲ្យដឹងពីសាច់ញាតិរបស់អ្នកសិល្បៈរូបនេះបានឲ្យដឹងថា តួសម្តែងចៅព្រាមកេសរ នៅក្នុងរឿងព្រះលក្សិណវង្ស ពេលនេះកំពុងត្រៀមខ្លួនចូលបន្ទប់វះកាត់នៅក្នុងអគាររោគស្ត្រី បន្ទប់លេខ៦ នៃមន្ទីរពេទ្យកាល់ម៉ែត ។
បើតាមការបញ្ជាក់របស់កូនស្រីតួឯកល្ខោនបាក់រូបនេះបានឲ្យដឹងថា ម្តាយរបស់ខ្លួនគឺជាតួឯកល្ខោនបាក់នៅក្នុងរឿង ព្រះល័ក្ខជិនវង្ស ដោយដើរតួជានាងព្រាមកេសរ ។ ឈ្មោះពិតរបស់ម្តាយគឺឈ្មោះ រៀម សាម៉ុន មានអាយុ៥៥ឆ្នាំ សព្វថ្ងៃនេះមិនទាន់មានផ្ទះសំបែងពិតប្រាកដនោះទេ គឺជួលគេស្នាក់គេ ។
អ្វីដែលសំខាន់ ពេលនេះម្តាយរបស់ខ្លួនកំពុងមានជំងឺប្រចាំកាយ និងដុះសាច់គីសក្នុងស្បូន ដែលត្រូវទាមទារធ្វើការវះកាត់ជាបន្ទាន់ ។ ស្ត្រីជាកូនបានធ្វើការអំពាវនាវពីសំណាក់សប្បុរសជនទាំងអស់ដែលស្គាល់ម្តាយរបស់ខ្លួន សូមមេត្តាជួយដល់គ្រួសាររបស់នាងផង ព្រោះពេលនេះម្តាយកំពុងត្រូវការថវិកា និងឈាមជាបន្ទាន់ ដើម្បីវះកាត់នៅអគាររោគស្ត្រី បន្ទប់លេខ៦ នៃមន្ទីរពេទ្យកាល់ម៉ែត ៕
ចែករំលែកព័តមាននេះ