រដ្ឋធានីប៉ារីស ប្រទេសបារាំង គ្រោងដាក់សំណើសុំធ្វើជាម្ចាស់ផ្ទះរៀបចំការប្រកួតកីឡាអូឡាំពិកក្នុងឆ្នាំ២០២៤ ដែលដល់ពេលនោះស្ថិតក្នុងរយៈពេល១០០ឆ្នាំ ក្រោយពីរដ្ឋធានីខាងលើបានរៀបចំការ
រដ្ឋធានីប៉ារីស ប្រទេសបារាំង គ្រោងដាក់សំណើសុំធ្វើជាម្ចាស់ផ្ទះរៀបចំការប្រកួតកីឡាអូឡាំពិកក្នុងឆ្នាំ២០២៤ ដែលដល់ពេលនោះស្ថិតក្នុងរយៈពេល១០០ឆ្នាំ ក្រោយពីរដ្ឋធានីខាងលើបានរៀបចំការប្រកួតកីឡាអូឡាំពិកនៅលើកចុងក្រោយ ហើយបានខកបំណងជាបន្តបន្ទាប់ពីការដាក់សំណើចំនួន៣លើក គឺនៅឆ្នាំ១៩៩២, ២០០៨ និង ២០១២ ។
បច្ចុប្បន្នលោកប៊ឺណាដ ឡាប៉ាស់សេត ប្រធានក្រុមអ្នកដាក់សំណើ បានបង្ហាញពីជំនឿចិត្តថា ៖ «យើងជឿជាក់ថា សំណើ និងគោលដៅក្នុងការធ្វើជាម្ចាស់ផ្ទះកីឡាអូឡាំពិក ២០២៤ របស់យើងលើកនេះនឹងធ្វើឱ្យពលរដ្ឋគ្រប់រូបមានក្តីរំភើប និងបង្កើតភាពស្វាហាប់ដល់ពលរដ្ឋក្នុងក្រុងប៉ារីស» ។
ក្រុងប៉ារីសមានពេលរហូតដល់ថ្ងៃទី១៥ កញ្ញា ក្នុងការដាក់សំណើជាផ្លូវការដល់គណៈកម្មាធិការអូឡាំពិកអន្តរជាតិ (IOC) នៅមុនពេលមានការបោះឆ្នោតនៅឆ្នាំ២០១៧ ដោយកីឡាអូឡាំពិកបន្តបន្ទាប់នឹងរៀបចំធ្វើនៅក្រុងរីយ៉ូ ដឺហ្សាណេរ៉ូ ប្រទេសប្រេស៊ីលនៅឆ្នាំ២០១៦ ខណៈពេលនៅឆ្នាំ២០២០ រៀបចំធ្វើនៅក្រុងតូក្យូ ប្រទេសជប៉ុន ៕
ចែករំលែកព័តមាននេះ