ខេត្តពោធិ៍សាត់ ៖ ផ្ទះប្រជាពលរដ្ឋចំនួន៥ខ្នង ត្រូវខូចខាតស្ទើរតែទាំងស្រុង ដោយសារឥទ្ធិពលនៃខ្យល់កន្ត្រាក់ បានវាយប្រហារកាលពីរសៀលថ្ងៃទី២២ មិថុនា ២០១៥ បានកើតឡើងនៅស្រុកចំនួន២ គឺស្រុកក្រគរ និងស្រុកកណ្ដៀង ។
ខេត្តពោធិ៍សាត់ ៖ ផ្ទះប្រជាពលរដ្ឋចំនួន៥ខ្នង ត្រូវខូចខាតស្ទើរតែទាំងស្រុង ដោយសារឥទ្ធិពលនៃខ្យល់កន្ត្រាក់ បានវាយប្រហារកាលពីរសៀលថ្ងៃទី២២ មិថុនា ២០១៥ បានកើតឡើងនៅស្រុកចំនួន២ គឺស្រុកក្រគរ និងស្រុកកណ្ដៀង ។
តាមរបាយការណ៍ពីអាជ្ញាធរស្រុកនីមួយៗបានឱ្យដឹងថា នៅស្រុកក្រគរខ្យល់កន្ត្រាក់ បានវាយប្រហារផ្ទះចំនួន៤ខ្នង ដែលក្នុងនោះ១ខ្នងបាក់រាបដល់ដីខូចខាតទាំងស្រុង ។ ក្រៅពីនោះ ខ្លះប៉ើងដំបូល ខ្លះទ្រេត ខ្លះធ្លាក់ពីជើងតាង និងខ្លះទៀតធ្លុះធ្លាយជញ្ជាំង។
ដោយឡែកផ្ទះប្រជាពលរដ្ឋ២ខ្នងទៀត និងរោងផ្ញើកង់ម៉ូតូមួយកន្លែង នៅក្នុងស្រុកក្រគរនេះ ក៏ត្រូវដើមឈើរលំសង្កត់លើបាក់ខូចខាតខ្ទេចខ្ទីរដែរ ។ ចំណែកនៅស្រុកកណ្ដៀងវិញ ប៉ះពាល់ផ្ទះតែមួយខ្នងប៉ុណ្ណោះ គឺរបើកដំបូល ។ តាមរបាយការណ៍បានបញ្ជាក់ឱ្យដឹងដែរថា ផ្ទះប្រជាពលរដ្ឋទាំង២ស្រុក គឺស្រុកក្រគរ និងស្រុកកណ្ដៀង ដែលរងផលប៉ះពាល់ ដោយសារខ្យល់កន្ត្រាក់នេះ ខ្លះធ្វើអំពីឈើប្រក់ស័ង្កសី និងខ្លះទៀតប្រក់ស្លឹក ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ