ក្រសួងសុខាភិបាលខេត្ត Sindh ភាគខាងត្បូងប៉ាគីស្ថាន រាយការណ៍ថា រលកនៃធាតុអាកាសក្តៅខ្លាំងនៅក្រុងការ៉ាជី ជាទីក្រុងធំបំផុតរបស់ប៉ាគីស្ថាន និងស្រុកឯទៀតៗនៃខេត្ត Sindh ភាគខាងត្បូងប្រទេសបណ្តាលឱ្យមនុស្សស្លា.ប់កើនឡើង១៤០នាក់ហើយ គិតត្រឹមរសៀលថ្ងៃទី២២ មិថុនា ២០១៥ នេះ
ក្រសួងសុខាភិបាលខេត្ត Sindh ភាគខាងត្បូងប៉ាគីស្ថាន រាយការណ៍ថា រលកនៃធាតុអាកាសក្តៅខ្លាំងនៅក្រុងការ៉ាជី ជាទីក្រុងធំបំផុតរបស់ប៉ាគីស្ថាន និងស្រុកឯទៀតៗនៃខេត្ត Sindh ភាគខាងត្បូងប្រទេសបណ្តាលឱ្យមនុស្សស្លាប់កើនឡើង១៤០នាក់ហើយ គិតត្រឹមរសៀលថ្ងៃទី២២ មិថុនា ២០១៥ នេះ ។
ចាប់តាំងពីថ្ងៃទី២០ មិថុនា មក មនុស្ស១១៤នាក់បានស្លាប់នៅក្រុងការ៉ាជី ហើយមនុស្ស៨នាក់ទៀតស្លាប់ក្នុងស្រុក៣ នៃខេត្តSindh ។ សីតុណ្ហភាពនៅក្រុងការ៉ាជី ជាទីក្រុងកំពង់ផែធំបំផុតនៅភាគខាងត្បូងប្រទេស ឡើងដល់៤៥អង្សាសេ ជិតដល់៤៧អង្សាសេ កត់សម្គាល់ឃើញកាលពីខែមិថុនា ឆ្នាំ១៩៧៩ ។
លោកវេជ្ជបណ្ឌិត Seemin Jamalt ប្រមុខផ្នែកសង្គ្រោះបន្ទាន់នៃមន្ទីរពេទ្យរដ្ឋ Jinnah គូសបញ្ជាក់ថា មនុស្សជាង១០០នាក់ ស្លាប់ក្នុងមន្ទីរពេទ្យនេះ ។ អ្នកស្លាប់ទាំងអស់ដោយសារការគាំងបេះដូង ។ ឥទ្ធិពលនៃរលកធាតុអាកាសក្តៅខ្លាំងកាន់តែធ្ងន់ធ្ងរ ដោយសារការដាច់ភ្លើងអគ្គិសនីដែលនាំឱ្យដាច់ទឹក ។ នេះជាការអះអាងរបស់ផ្នែកគ្រប់គ្រងការផ្តល់ទឹកដល់ប្រជាជន២០លាននាក់នៃក្រុងការ៉ាជី ។
នាយករដ្ឋមន្ត្រីប៉ាគីស្ថាន លោក ណាវ៉ាសសារីហ្វ បានព្រមានដល់បណ្តាក្រុមហ៊ុនអគ្គិសនីថា លោកនឹងមិនអត់ឱនឡើយ ចំពោះការផ្តាច់ភ្លើងក្នុងរដូវបុណ្យរ៉ាម៉ាដាន ដែលទើបចាប់ផ្តើមនោះ ៕
ចែករំលែកព័តមាននេះ