ប្រព័ន្ធលូ ៤ខ្សែ ចំណាយជាង ៨៨លានរៀល កំពុងដំណើរការសាងសង់ នៅសង្កាត់កំពង់ចាម
- កំពង់ចាម
ខេត្តកំពង់ចាម៖ ប្រព័ន្ធលូ ចំនួន ៤ខ្សែ កំពុងដំណើរការសាងសង់ ដែលមានទីតាំងស្ថិតនៅភូមិទី១៥ សង្កាត់កំពង់ចាម ក្រុងកំពង់ចាម។ ថវិកា ដែលចំណាយលើការសាងសង់ប្រព័ន្ធលូនេះ…
ខេត្តកំពង់ចាម៖ ប្រព័ន្ធលូ ចំនួន ៤ខ្សែ កំពុងដំណើរការសាងសង់ ដែលមានទីតាំងស្ថិតនៅភូមិទី១៥ សង្កាត់កំពង់ចាម ក្រុងកំពង់ចាម។ ថវិកា ដែលចំណាយលើការសាងសង់ប្រព័ន្ធលូនេះ…
ខេត្តកំពង់ចាម៖ ប្រព័ន្ធលូ ចំនួន ៤ខ្សែ កំពុងដំណើរការសាងសង់ ដែលមានទីតាំងស្ថិតនៅភូមិទី១៥ សង្កាត់កំពង់ចាម ក្រុងកំពង់ចាម។ ថវិកា ដែលចំណាយលើការសាងសង់ប្រព័ន្ធលូនេះ គឺបានមកពីការដេញថ្លៃគម្រោងនៅសាលាសង្កាត់កំពង់ចាម ដែលមានទឹកប្រាក់សរុបជាង ៨៨លានរៀល។
ប្រព័ន្ធលូនោះ នៅក្រោយសាលាបឋមសិក្សាឧត្តរ។ ជាទំនៀម នៅពេលភ្លៀងធ្លាក់មកម្ដងៗ ទឹកតែងតែហូរចាក់មកទីនេះ ហើយត្រូវហូរបាចសាច រហូតដល់ជិះម៉ូតូ និងរថយន្តធុនតូច ពិបាកឆ្លងកាត់។
លោក សៅ រ៉េត វ័យ ៥៧ឆ្នាំ រស់នៅក្នុងភូមិទី១៥ បានឲ្យដឹងនៅព្រឹកថ្ងៃទី៩ ខែធ្នូថា នៅត្រង់ចំណុចមុខផ្ទះរបស់គាត់ ពេលដែលមានភ្លៀងធ្លាក់មកម្ដងៗ ក្នុងរដូវវស្សា ផ្លូវពីរខ្សែ ត្រូវបានទឹកហូរមកកាត់តាមមុខផ្ទះរបស់គាត់ ឡើងបាចសាច ព្រោះតែគ្មានប្រព័ន្ធលូបង្ហូរទឹក។ ចំណែកផ្លូវនៅត្រង់មុខកន្លែងលាងរថយន្ត ត្រូវបានទឹកភ្លៀងហូរកាត់ផ្លូវដក់ទឹក ដោយសារតែខ្វះប្រព័ន្ធលូ។
លោក សៅ រ៉េត បន្តថា ពេលណាដែលភ្លៀងធ្លាក់មកខ្លាំង សូម្បីតែម៉ូតូ និងរថយន្តធុនតូច បើកកាត់ផ្លូវនេះ ក៏ពិបាក។ មិនស្រួលអាចរលត់ម៉ាស៊ីន ក៏ថាបាន។ ប៉ុន្តែមកដល់ចុងឆ្នាំ២០២០ គាត់បានឃើញគេចុះមកជីកដាក់ប្រព័ន្ធលូជាច្រើនខ្សែ ត្រង់កន្លែង ដែលមិនមានលូ។ នេះគឺជាការយកចិត្តទុកដាក់របស់អាជ្ញាធរមូលដ្ឋាន និងស្ថាប័នពាក់ព័ន្ធ។
លោក សៅ រ៉េត មានជំនឿថា នៅឆ្នាំក្រោយ ពេលដែលមានភ្លៀងធ្លាក់មក នឹងកាត់បន្ថយទឹកមិនឲ្យលិចផ្លូវមួយផ្នែកធំ ហើយផ្លូវថ្នល់ នឹងមានសោភ័ណភាព ដោយមានរៀបចំដាក់ខឿនបេតុងថែមទៀតផង។ រូបលោក និងអ្នកភូមិឯទៀត ពិតជាសប្បាយរីករាយ ដោយឃើញសមិទ្ធិផលបានក៏កើតឡើង។
លោក ប្លោក សុវណ្ណ ចៅសង្កាត់កំពង់ចាម ប្រាប់ឱ្យដឹងថា ចំពោះថវិការៀបចំដាក់ប្រព័ន្ធលូបង្ហូរទឹក នៅក្នុងភូមិទី១៥ សង្កាត់កំពង់ចាម ជាប់នឹងសាលាបឋមសិក្សាឧត្តរ បានមកពីការដេញថ្លៃនាពេលកន្លងមក គឺរៀបចំដាក់ប្រព័ន្ធលូចំនួន ៤ខ្សែ ប្រវែង ៤៩១ម៉ែត្រ ដែលគ្រោងនឹងប្រើប្រាស់ថវិកាប្រមាណជាង ៨៨លានរៀល កសាងដោយក្រុមហ៊ុនឯកជនឈ្មោះ ថេង រីតា។
លោកចៅសង្កាត់កំពង់ចាម បញ្ជាក់ថា ចំពោះដំណើរការសាងសង់ មកដល់ពេលនេះ បានប្រព័ន្ធលូចំនួន ២ខ្សែ និងកំពុងបន្តរៀបចំដាក់បន្ថែមទៀត ហើយសកម្មភាពរាងយឺតបន្តិច ដោយសារតែក្រុមការងារជីកដីប៉ះទុយោទឹក ខ្សែភ្លើង។ ទោះជាបែបនេះក្តី អាជ្ញាធរ នឹងជំរុញឱ្យក្រុមហ៊ុន ជួយពន្លឿនការសាងសង់ឱ្យបានឆាប់រួចរាល់ មុនផែនការកំណត់។ ទឹក ដែលហូរចូលក្នុងប្រព័ន្ធលូនេះ នឹងធ្លាក់ទៅក្នុងបឹងកុក។
លោកចៅសង្កាត់ បន្តថា ក្រៅពីនេះ ក៏មានរៀបចំដាក់ការ៉ូការ៉ូឡានៅខឿនចិញ្ចើមផ្លូវ នៅជាប់សាលាបឋមសិក្សាឧត្តរ និងមួយកន្លែងទៀត ក្រោយស្នាក់ការបក្សខេត្ត។ សម្រាប់ថវិកា ឆ្នាំ២០២១ ដែលមានប្រមាណជាង ១០០លានរៀល នឹងត្រូវរៀបចំ ដាក់ឲ្យដេញថ្លៃ ដើម្បីអភិវឌ្ឍនូវហេដ្ឋារចនាសម្ព័ន្ធនានា ក្នុងសង្កាត់កំពង់ចាម ឱ្យមានការរីកចម្រើន៕ ចាន់ ថេត
ចែករំលែកព័តមាននេះ