ខេត្តព្រះសីហនុ ៖ មន្ត្រីមានឋានៈតូចតាច នៅក្នុងមន្ទីរធម្មការនិងសាសនាខេត្តព្រះសីហនុ ក្នុងលក្ខខណ្ឌសុំមិនផ្តល់អត្តសញ្ញាណបានបង្ហើបឲ្យដឹងថា ៖ ថ្មីៗនេះ បន្ទាប់ពីបែកធ្លាយរឿងលក់ដែលគេហៅថា (ដោះដូរ ) មន្ទីរធម្មការសាសនាខេត្តព្រះសីហនុ ក្រោយពេលដែលព័ត៌មានកាសែតកោះសន្តិភាព បានធ្វើការចេញផ្សាយនៅថ្ងៃព្រហស្បតិ៍ ទី២៦ វិច្ឆិកា ឆ្នាំ២០២០ កន្លងមក ខណៈមន្ត្រីតូចតាចក្រោមឱវាទមានការថ្នាំងថ្នាក់ចិត្តដោយសារតែ(ផលលាភ)នៃការដោះដូរមន្ទីរទាំងមូលនៅក្នុងទីប្រជុំជនក្រុង ទទួលបានមិនស្មើភាពគ្នា រហូតដល់កូន-ចៅ អត់ទ្រាំមិនបានហែកហួរទម្លាយរឿងចេញមកខាងក្រៅឲ្យមានក្លិនមិនល្អ នៅក្នុងមន្ទីរធម្មការនិងសាសនាខេត្ត ។
រហូតដល់មានការចុះផ្សាយនៅលើទំព័រកាសែត បានធ្វើឲ្យមន្ត្រីនៅក្នុងអង្គភាពដែលជាជំនិតរួមជាមួយនិងលោក កង ឌីណាត ប្រធានមន្ទីរធម្មការ និងសាសនាខេត្ត ផ្ទុះការខឹងសម្បារ ជាមួយមន្ត្រីតូចតាចនៅក្នុងអង្គភាពរបស់ខ្លួន និងកំពុងតែដាក់ការសង្ស័យជាបន្ទុកទៅលើមន្ត្រីប្រមាណជាង១០នាក់ ដែលទើបចូលមកធ្វើការថ្មីៗ និងមន្ត្រីដែលធ្លាប់ស្និទ្ធស្នាលជាមួយអ្នកព័ត៌មាន ដែលពួកគាត់ទទួលបាន (ផលលាភ ) តិចជាងគេ ដោយសង្ស័យថា ហែកទំលាយរឿងអាស្រូវរបស់អង្គភាព ទើបបែកធ្លាយរឿង (ដោះដូរឆ្នាំងមាសយកឆ្នាំងដី)បែបនេះកើតឡើងបាន។
ប្រភពខាងលើបានបន្តឲ្យដឹងទៀតថា ក្រោយពេលបែកធ្លាយ និងមានការចុះផ្សាយនៅលើទំព័រកាសែតកោះសន្តិភាពរួចមក លោកប្រធានមន្ទីរបានរឹតបន្តឹងលើការងារខុសពីពេលមុនៗទាំងម៉ោងចូលធ្វើការ និងម៉ោងចេញនិងកំពុងតែឲ្យមន្ត្រីជំនិតរបស់លោកប្រធានតាមដាន ស៊ើបអង្កេតរកមុខមន្ត្រីក្រោមឱវាទមួយណាដែលហ៊ានលួចបញ្ចេញ
ព័ត៌មានដ៏ស្ងាត់កំបាំងចេញមកខាងក្រៅ ដោយសង្កត់ធ្ងន់បែបផ្លែផ្កាដដែលៗរាល់ម៉ោងធ្វើការថា៖ ( បើខ្មោចក្នុងមិនបើកដៃ ខ្មោចក្រៅក៏មិនហ៊ានដែរ និងប្រើពាក្យថា ដង្កូវចេញពីសាច់ឯង) ទើបមានហេតុការកើតឡើងបែបនេះ។
មន្ត្រីខាងលើគាត់បានលើកឡើងទៀតថា បើតាមពួកគាត់បានដឹងខ្លះៗថា មន្ទីរអង្គភាពដែលមានទីតាំងក្បែរៗគ្នា ក៏មានការដោះដូរដូចគ្នាដែរ តែថ្នាក់ដឹកនាំមន្ទឺរអង្គភាពរបស់គេដឹកនាំល្អរ ចេះចែករំលែកឲ្យកូន.ចៅក្រោមឱវាទទទួលបានផលលាភស្មើរៗគ្នាឲ្យធ្វើមាន ធ្វើបាន មានជីវភាពល្អប្រសើជាងមុន ។ ហើយមិនមានបាតុភាពក្លិនមិនល្អ កើតឡើងនៅក្នុងអង្គភាពរបស់គេ គាត់បានបញ្ជាក់ថា ខុសតែអ្នកជំនិតរួមនិងលោកប្រធានមន្ទីរធម្មការ និងសាសនាមួយតែប៉ុណ្ណោះ មិនចង់ឲ្យកូនចៅក្រោមឱវាទមានបានទេ ខ្លាចពិបាកប្រើ ។
គាត់បានបន្តទៀតលើលោកយើងនេះ មិនមានអ្វីមួយស្ថិតក្នុងភាពអាថ៌កំបាំងនោះទេ ( ដំរីងាប់ទាំងមូល យកចង្អេរទៅគ្របជិតដែរឬ ….? ) បើទោះជាប្រើយុទ្ធវិធីស៊ីមាន់ដុត បិទភ្លើងចងមុងក៏មានក្លិនឈ្ងុយចេញមកក្រៅដែរ ។
លោក កងឌីណាត ប្រធានមន្ទីរធម្មការនិងសាសនាខេត្តកន្លងមក បានបញ្ជាក់ឲ្យដឹងទៀតថា ចំពោះការដោះដូរពិតជាបានធ្វើការដោះដូរពិតប្រាកដមែន ចំពោះមន្ត្រីក្រោមឱវាទ ម្នាក់ៗបានទទួលថវិការបែបណាលោកមិនបានដឹងទេ ជារឿងរបស់ថ្នាក់ដឹកនាំក្រសួងជំនាញតែប៉ុណ្ណោះ លោកបានបញ្ជាក់ខ្លីនៅតាមប្រពន្ធ័ម៉ីសសែករបស់លោកថាមន្ត្រីដែលផ្តល់ព័ត៏មានទៅអ្នកាសែតដោយសារគេចង់ធ្វើជាប្រធានមន្ទីរហើយមើល
ទៅ ?
ចែករំលែកព័តមាននេះ