ខេត្តកំពង់ឆ្នាំង ៖ លោកជំទាវប៉ាល់ យឿន អភិបាលរងខេត្តកំពង់ឆ្នាំង អមដំណើរដោយលោកស្រីឈុំ ចាន់សុខ ប្រធានមន្ទីរកិច្ចការនារី និងសំរិត ដារ៉ា សមាជិកក្រុមប្រឹក្សាស្រុកផង កាលពីវេលាព្រឹកថ្ងៃទី២០ មិថុនា ២០១៥ បាននាំអំណោយសប្បុរសមានគ្រឿងឧបភោគ បរិភោគ និងថវិកា ទៅជូនស្ត្រីរងគ្រោះ២នាក់ ម្នាក់មានសតិមិនល្អ ហើយមានជីវភាពក្រីក្រ និងរងគ្រោះដោយគេ
ខេត្តកំពង់ឆ្នាំង ៖ លោកជំទាវប៉ាល់ យឿន អភិបាលរងខេត្តកំពង់ឆ្នាំង អមដំណើរដោយលោកស្រីឈុំ ចាន់សុខ ប្រធានមន្ទីរកិច្ចការនារី និងសំរិត ដារ៉ា សមាជិកក្រុមប្រឹក្សាស្រុកផង កាលពីវេលាព្រឹកថ្ងៃទី២០ មិថុនា ២០១៥ បាននាំអំណោយសប្បុរសមានគ្រឿងឧបភោគ បរិភោគ និងថវិកា ទៅជូនស្ត្រីរងគ្រោះ២នាក់ ម្នាក់មានសតិមិនល្អ ហើយមានជីវភាពក្រីក្រ និងរងគ្រោះដោយគេរំលោភរហូតមានកូន និងស្ត្រីម្នាក់ទៀត ក្រីក្រមានជំងឺជាទម្ងន់ ហើយត្រូវប្តីរត់ចោលថែមទៀត។
អំណោយទាំងនេះ បាននាំទៅជូនដល់លំនៅឋានរបស់ជនរងគ្រោះ ដែលមានភូមិ-ឃុំខុសគ្នា គឺឃុំស្វាយជ្រុំ ឃុំស្រែថ្មីក្នុងស្រុករលាប្អៀរ ខេត្តកំពង់ឆ្នាំង។
លោកជំទាវប៉ាល់ យឿន អភិបាលរងខេត្តកំពង់ឆ្នាំង ជាអ្នកផ្តើមគំនិតជួយស្វះស្វែងរកជំនួយ ដើម្បីជួយស្ត្រីរងគ្រោះខាងលើ បានមានប្រសាសន៍ថា ការចុះទៅមូលដ្ឋានយកអំណោយជូនដល់ស្ត្រីរងគ្រោះទាំង២នាក់ខាងលើ គឺមានលោកជំទាវដោក សុទ្ធា ប្រធានក្រុមប្រឹក្សាខេត្តកំពង់ឆ្នាំង, លោកគុយ ចន្ថា សមាជិកក្រុមប្រឹក្សាខេត្ត, លោកអ៊ូ ជួបកុសល ប្រធានមន្ទីរសេដ្ឋកិច្ចនិងហិរញ្ញវត្ថុខេត្ត, លោកសោម ភិរុន នាយខណ្ឌរដ្ឋបាលជនផលខេត្ត លោកស្រីឡុញ ពិសារ អនុប្រធានមន្ទីរប្រៃសនីយ៍ខេត្ត, លោកស្រីឈុំ ចាន់សុខ ប្រធានមន្ទីកិច្ចការនារីខេត្ត, លោកឧកញ៉ាប៉ែន នួន អគ្គនាយកក្រុមហ៊ុនCKA ចំរើនកសិឧស្សាហកម្មអភិវឌ្ឈន៍កម្ពុជាអ៊ិមផត អ៊ិចផត និងលោកស្រីគឹម សុធា ប្រធានកម្មវិធីព័ត៌មានកម្ពុជាទូរទស្សន៍ប៉ុស្តិ៍លេខ៣ ។
ភ្ជាប់នឹងអំណោយនេះដែរ លោកជំទាវបានពាំនាំការសួសុខទុក្ខពីលោកឈួរ ច័ន្ទឌឿន អភិបាលខេត្តកំពង់ឆ្នាំង និងប្រធានក្រុមប្រឹក្សាខេត្តនិងបានមានប្រសាសន៍សំណេះសំណាលជាមួយជនរងគ្រោះថាអំណោយទាំងនេះគ្រាន់តែអាចជួយរំលែកទុក្ខលំបាកមួយគ្រាបានមួយរយៈតែប៉ុណ្ណោះ ។
គួរបញ្ជាក់ថា ស្ត្រីរងគ្រោះឈ្មោះតុល ចាន់នី អាយុ៤៧ឆ្នាំ មានកូននៅក្នុងបន្ទុកចំនួន៣នាក់ បច្ចុប្បន្នរស់នៅក្នុងភូមិកំពង់រាំង ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ។ សព្វថ្ងៃនេះ កំពុងតែប្រឈមមុខជំងឺកាចសាហាវ គឺជំងឺមហារីកពោះវៀន និងអាចបាត់បង់ជីវិតរយៈពេលខ្លីខាងមុខនេះ ក្រោយពីពេទ្យអស់លទ្ឋភាពក្នុងការព្យាបាល ។ជាមួយគ្នានោះប្តីស្ត្រីរងគ្រោះបានរត់ចោលទៅមានប្រពន្ឋថ្មីទៀត ។
ចំណែកឯស្ត្រីរងគ្រោះកំព្រាម្នាក់ទៀតឈ្មោះវឺន ហ៊ាង អាយុ៣៣ឆ្នាំ មានទីលំនៅក្នុងភូមិត្រពាំងស្បូវ ឃុំស្រែថ្មី ស្រុករលាប្អៀរ ។ស្ត្រីម្នាក់នេះ ត្រូវបានអ្នកភូមិនិយាយថាមានសតិមិនល្អ និងពិការ ហើយបានរងគ្រោះដោយសារជនល្មោភកាមចាប់រំលោភនាងមិនដឹងពីពេលណាមក ហើយបានកូនប្រុសម្នាក់ដែលមានអាយុទើបតែ១៩ថ្ងៃតែប៉ុណ្ណោះ ៕
ចែករំលែកព័តមាននេះ