កម្មករផ្នែកប្រេងយ៉ាងហោចណាស់២៣នាក់ត្រូវបានចាប់ពង្រត់កាលពីថ្ងៃទី៧ មីនា កន្លងមក ដោយពួកទ័ពព្រៃនៃកងកម្លាំងបដិវត្តន៍កូឡុំប៊ី (FARC) នៅតំបន់ព្រៃ Vichada ភាគអាគ្នេយ៍ប្រទេសកូឡុំប៊ី ។ ប្រភពព័ត៌មានមួយបានប្រាប់ស្ថានីយវិទ្យុ RCN របស់កូឡុំប៊ីថា កម្មករទាំងនោះត្រូវបានចាត់តាំងឱ្យស្វែងរកឧស្ម័នអុីដ្រូកាបូននៅតំបន់ព្រៃនោះ ដែលជាកន្លែងលាក់ខ្លួនរបស់កងកម្លាំងបដិវត្តន៍កូឡុំប៊ី ។
កម្មករទាំងនេះធ្វើការឱ្យក្រុមហ៊ុនរុករកប្រេង Talisman របស់ប្រទេសកាណាដា ។ ក្រោយពីទទួលបានព័ត៌មានពីការចាប់ពង្រត់នោះ កងទ័ពកូឡុំប៊ីជាច្រើននាក់ត្រូវបានបញ្ជូនទៅកាន់តំបន់ព្រៃនោះដើម្បីស្វែងរកកម្មករទាំងនេះ ៕
ចែករំលែកព័តមាននេះ