ដើម្បីឆ្លើយតបទៅនឹងតម្រូវការរបស់អតិថិជនរាប់ម៉ឺននាក់ ក្រុមហ៊ុនមិត្តល្អខបភើរេសិន (សាមកុក) បានបង្កើតនូវព្រឹត្តិការណ៍ដ៏អស្ចារ្យថ្មីមួយទៀតហើយ ដើម្បីជួយគាំទ្រវីរបុរសដែលទន់ខ្សោយនៃអាណាចក្រទាំងបី ង៉កុក វុយកុក និងចុកកុក ឱ្យរកវគ្គបានកាន់តែលឿនជាងមុនដល់ទៅ៥ដង ។
ព្រឹត្តិការណ៍នោះគឺក្រុមហ៊ុននឹងចាប់ផ្តើមលក់នូវកញ្ចប់ Package ដែលមានអាយធិមល្អៗ និងខ្លាំងៗ នៅក្នុងតម្លៃតែ៥ដុល្លារប៉ុណ្ណោះ ហើយជាមួយអាយធិមទាំងនោះ អតិថិជនទាំងអស់អាចរីករាយជាមួយសាមកុកបានរហូតដោយមិនបាច់ចំណាយជីភ័ន មិនតែប៉ុណ្ណោះ នេះក៏ជាឱកាសមួយដែលអាចឱ្យលោកអ្នកបង្កើតទ័ពផ្ទាល់ខ្លួន និងរាប់អានមិត្តភក្តិថ្មីៗ ជាច្រើនតាមរយៈការសន្ទនានៅក្នុងសាមកុក ។
ទន្ទឹមនឹងនេះ សាមកុកក៏បានបើកនូវ war ថ្មីមួយដែលមានឈ្មោះថា Wow War ដែលជាប្រព័ន្ធកម្សាន្តដ៏ថ្មីសន្លាងមួយដែលធ្វើឱ្យអ្នកលេងលេងហើយជាប់ចិត្តសប្បាយយ៉ាងអស្ចារ្យបំផុត ហើយ War ថ្មីនោះ នឹងចាប់ផ្តើមបើកក្នុងពេលដំណាលគ្នាជាមួយនឹងការបើកឱ្យប្រើប្រាស់នូវកញ្ចប់ Package របស់សាមកុកផងដែរ គឺនៅថ្ងៃទី១ មេសា ឆ្នាំ២០១១ ហើយកញ្ចប់ Package នោះមានតែចំនួន 500 Package ប៉ុណ្ណោះ។ សាមកុក ជាប្រភេទកម្មវិធីកម្សាន្តតាមប្រព័ន្ធអ៊ីនធើរណេតភាសាខ្មែរដំបូងបំផុតនៅ
កម្ពុជា ហើយនាបច្ចុប្បន្ននេះ អតិថិជនសាមកុកចេះតែកើនឡើងយ៉ាងសន្ធឹកសន្ធាប់ពីមួយថ្ងៃទៅមួយថ្ងៃ ព្រោះលេងសាមកុក ជាកម្មវិធីដែលអាចឱ្យអ្នកលេងកើនប្រាជ្ញា ចេះជួយគ្នា និងមានទំនាក់ទំនងល្អក្នុងសង្គម ជាងនេះទៅទៀតនោះ លេងសាមកុកពិតជារំភើប និងអាចមានឱកាសឈ្នះរង្វាន់ជាច្រើនទៀតសរុបជាង១៧៥រង្វាន់ ដែលប្រព្រឹត្តទៅនាចុងខែឧសភា ឆ្នាំ២០១១ នេះ។
បន្ទាប់ពីសាមកុកបានបង្កើតមូលនិធិមួយដែលហៅថា «មូលនិធិសាមកុក» ដើម្បីជួយដល់កងទ័ពកម្ពុជានាតំបន់ព្រះវិហារនោះ អតិថិជនសាមកុកទំាងអស់បានចូលរួមជាវិភាគទាន ទៅតាមជំនឿ និងសមត្ថភាព ជាសាច់ប្រាក់ ក៏ដូចជាអាយធិមនៅក្នុងសាមកុក ។ ចំពោះអតិថិជនដែលចូលរួមវិភាគទានជាអាយធិមនោះ ក្រុមហ៊ុននឹងប្តូរទៅជាសាច់ប្រាក់ដោយថវិកាក្រុមហ៊ុនផ្ទាល់តែម្តង ហើយមូលនិធិទំាងនោះ ក្រុមហ៊ុនបានប្រគល់ទៅសមាគមទូរទស្សន៍ប៉ុស្តិ៍បាយ័ន ៕
ចែករំលែកព័តមាននេះ