ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍កាលពីថ្ងៃទី១៦ មិថុនា ថា ប្រទេសកូរ៉េខាងជើងជួបប្រទះគ្រោះរាំងស្ងួតធ្ងន់ធ្ងរបំផុតចាប់តាំងពី១០០ឆ្នាំមកហើយ ។
ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍កាលពីថ្ងៃទី១៦ មិថុនា ថា ប្រទេសកូរ៉េខាងជើងជួបប្រទះគ្រោះរាំងស្ងួតធ្ងន់ធ្ងរបំផុតចាប់តាំងពី១០០ឆ្នាំមកហើយ ។
ការប្រកាសបែបនេះនាំឱ្យមានការភ័យខ្លាចលើការខ្វះស្បៀងធ្ងន់ធ្ងរក្នុងប្រទេសនេះ ។ ជង្រុកស្រូវសាលីរបស់កូរ៉េខាងជើង គឺខេត្ត HWANGHAE ខាងត្បូងខេត្ត HWANGHAE ខាងជើង ខេត្ត PYONGAN ខាងត្បូង និងខេត្ត HAMGYONG ខាងត្បូង រងការប៉ះពាល់ខ្លាំងដោយការខ្វះភ្លៀង ។
KCNA បន្តថា គ្រោះរាំងស្ងួតដ៏អាក្រក់ចាប់តាំងពី១០០ឆ្នាំមកហើយនៅបន្តទៀតក្នុងប្រទេសកូរ៉េខាងជើង ដែលនាំឱ្យមានការខូចខាតធ្ងន់ធ្ងរ។ ជាង៣០% នៃផ្ទៃដីស្រែរបស់ប្រទេសកំពុងជួបគ្រោះរាំងស្ងួត ។ កម្រិតទឹកនៅតាមអាងស្តុកទឹកនានាធ្លាក់ទាបបំផុត ហើយបណ្តាទឹកស្ទឹង និងព្រែកត្រូវរីង ។
កាលពីសប្តាហ៍មុន ក្រសួងបង្រួបបង្រួមកូរ៉េខាងត្បូងធ្លាប់បានព្រមានថា ផលិតកម្មស្បៀងរបស់កូរ៉េខាងជើងអាចចុះថយ១០% នាឆ្នាំនេះ បើប្រៀបធៀបទៅនឹងឆ្នាំ២០១៤ ហើយរហូតដល់២០% ផង ប្រសិនបើភ្លៀងធ្លាក់តិចបំផុតរហូតដល់ខែកក្កដា ។
ប្រទេសកូរ៉េខាងជើងដែលសេដ្ឋកិច្ច និងកសិកម្មរងការបំផ្លាញដោយសារគ្រោះរាំងស្ងួត ហើយធនធានជាច្រើនប្រើសម្រាប់កម្មវិធីនុយក្លេអ៊ែរជួបគ្រោះអត់ឃ្លាន ដែលបណ្តាលឱ្យមនុស្សស្លាប់ជាច្រើនរយពាន់នាក់កាលពីពាក់កណ្តាលទី២ នៃទសវត្សឆ្នាំ៩០ ។ កុមារ១ភាគ៣ ជួបការខ្វះស្បៀង ៕
ចែករំលែកព័តមាននេះ