ផ្អែកតាមការបកស្រាយពីគេហទំព័របរទេសបានឲ្យដឹងថា ភាពសឹករេចរិលនៃសម្បកកង់ក្រោយជាទូទៅគឺមានសភាពសឹកយឺតជាងសម្បកកង់មុខបន្តិច។
នោះក៏ព្រោះតែទីប្រជុំទម្ងន់ភាគច្រើនរបស់រថយន្តគឺស្ថិតនៅលើកង់មុខ ។ ម្យ៉ាងទៀតក៏ដោយសារតែគ្រប់ការកាច់ចង្កូតបត់បែនទាំងស្រុង គឺធ្វើឡើងនៅកង់មុខតែម្តង ។ ហេតុដូច្នេះហើយទើបវាមានកម្លាំងសង្កត់ធ្ងន់និងកម្លាំងកកិតច្រើនជាងកង់ក្រោយដែលត្រឹមតែអនុវត្តអូសទៅតាមប្រតិបត្តិការរបស់កង់មុខនោះ ហើយក៏ភាគច្រើនកើតមានក្នុងអំឡុងពេលនៃការជាន់ហ្វ្រាំងដែលប្រតិបត្តិការដោយកង់មុខផងដែរ ។
ប្រសិនបើកង់ក្រោយណាមួយដែលមានសភាពសឹករេចរិលលឿនជាងកង់មុខ ជាទូទៅនឹងបង្ហាញពីភាពសឹកខុសប្រក្រតីដោយប្រការណាមួយជាមិនខាន ប៉ុន្តែវាកម្រណាស់ គឺកម្រសឹកមុនកង់មុខ ៕
ចែករំលែកព័តមាននេះ