ការខ្សោះជាតិទឹក កើតឡើងនៅពេលដែលមិនមានជាតិទឹកគ្រប់គ្រាន់នៅក្នុងខ្លួន ដើម្បីឱ្យដំណើរការបានត្រឹមត្រូវ ។ រាងកាយត្រូវការទឹក ដើម្បីជួយរក្សាសីតុណ្ហភាពរាងកាយ បង្កើតអង្គធាតុរាវសម្រាប់រាងកាយ និងសម្រាប់ដំណើរការប្រចាំថ្ងៃ ។ យោងតាមការចុះផ្សាយរបស់មន្ទីរពេទ្យកុមារ រ៉ូយាល់ មែលប៊ន (Royal Children’s Hospital Melbourne) នៅប្រទេសអូស្ត្រាលី បានឱ្យដឹងថា កុមារ និងទារកមានហានិភ័យខ្ពស់ក្នុងការខ្សោះជាតិទឹកជាងមនុស្សធំ ។ នេះក៏ដោយសារតែសារពាង្គកាយកុមារ និងទារក ផ្ទុកទៅដោយជាតិទឹកច្រើនធៀបនឹងទម្ងន់ ហើយពួកគេមិនសូវជាដឹងខ្លួនថា ស្រេកទឹកនោះទេ ដែលជាហេតុធ្វើឱ្យការខ្សោះជាតិទឹកងាយកើតឡើងលើពួកគេ ។
សូមបញ្ជាក់ផងដែរថា កុមារងាយនឹងខ្វះជាតិទឹកនៅពេល ៖
– បន្ទាប់ពីធ្វើសកម្មភាពរាងកាយ ឬហាត់ប្រាណច្រើន
– ក្អួត ឬរាគខ្លាំង
- ក្តៅខ្លួន
- ប្រើថ្នាំបញ្ចុះទឹកនោម
- ផឹកទឹកមិនគ្រប់គ្រាន់ ជាពិសេសនៅពេលមានជំងឺ
– អាយុតិចជាងប្រាំមួយខែ
- អាកាសធាតុក្តៅ ។
ការបាត់បង់ជាតិទឹកច្រើនអាចធ្វើឱ្យមានផលប៉ះពាល់ជាច្រើនដូចជា៖
– ឈឺក្បាល
– បាត់បង់ការផ្ទង់អារម្មណ៍
- ការស្តាប់ និងការមើលឃើញថយចុះ
– ឆាប់ខឹង
- អស់កម្លាំង នឿយហត់
- សមត្ថភាពគិតថយចុះ
- ភាន់ច្រឡំ
– និងស្បែកស្ងួតជាដើម ។
ការរក្សាកូនរបស់អ្នកឱ្យមានជាតិទឹកគ្រប់គ្រាន់ គឺមានសារៈសំខាន់គ្រប់ពេលមិនថា ពេលឈឺ ឬក៏ពេលជា ប៉ុន្តែជាពិសេសនៅពេលពួកគេមិនស្រួលខ្លួន ។ ប្រសិនបើកូនរបស់អ្នកមានអាយុតិចជាង ៦ខែពួកគេគួរតែទៅជួបគ្រូពេទ្យជានិច្ច ប្រសិនបើពួកគេខ្វះជាតិទឹក ។ អ្នកក៏អាចផ្តល់នូវទឹកអូរ៉ាលីត ឬ ទឹកពិសាបរិសុទ្ធឱ្យទៅកូនអ្នកដើម្បីបង្គ្រប់ជាតិទឹកផងដែរ ។ ប្រសិនបើអ្នកកំពុងបំបៅកូនដោយទឹកដោះគោ អ្នកអាចឱ្យទឹកអូរ៉ាលីត ឬ ទឹកពិសាបរិសុទ្ធ ហើយបន្តបំបៅទឹកដោះគោតិចៗ តែច្រើនដង ។
ចំពោះក្មេងធំៗទម្ងន់លើសពី ១០គីឡូក្រាម អ្នកត្រូវឱ្យគេផឹកទឹកយ៉ាងហោចណាស់មួយពែងចំណុះ ២៥០ មិល្លីលីត្រ រៀងរាល់ម៉ោងសម្រាប់រយៈពេល ៤ម៉ោង ។ ផ្តល់ឱ្យពួកគេផឹកច្រើនជាងនេះ ប្រសិនបើពួកគេក្អួត ឬរាគ ។ ទឹកពិសា វីតាល់ ជាជម្រើសសម្រាប់ជីវិត ពិសាទឹកដែលមានគុណភាពល្អ និងឱ្យបានគ្រប់គ្រាន់ជួយឱ្យរាងកាយលូតលាស់ និងបំពេញមុខងារបានពេញលេញ និងមានប្រសិទ្ធភាព ។ វីតាល់ សមស្របសម្រាប់កុមារ គឺជាទឹកបរិសុទ្ធដែលឆ្លងកាត់ប្រព័ន្ធបន្សុទ្ធ ១២ដំណាក់កាល និងសម្លាប់មេរោគត្រឹមត្រូវ ទទួលស្គាល់គុណភាពដោយក្រសួងសុខាភិបាល និងស្ថាប័នវាយតម្លៃគុណភាពនៃចក្រភពអង់គ្លេស ៕ ប្រភព ៖ rch
ចែករំលែកព័តមាននេះ