ប្រទេសចិន ៖ រដ្ឋបាលជាតិអវកាសចិនរាយការណ៍ថា យានរ៉ូបូអវកាសចិនដែលដឹកបណ្ដាគំរូដីភពព្រះចន្ទ បានហោះចេញពីភពនោះវិញកាលពីយប់ថ្ងៃទី៣ធ្នូ។
យាននោះជាយានអវកាសចិនដំបូងគេដែលហោះចេញពីភពក្រៅផែនដីមួយ។ រ៉ូបូអវកាសឈ្មោះCHANG’E5 នោះ មានORBITEUR មួយ ជើងសម្រាប់ចុះ យានមួយនិងយានសម្រាប់វិលត្រឡប់មកវិញ ត្រូវបានបាញ់បង្ហោះកាលពីថ្ងៃទី២៤ វិច្ឆិកា ហើយបានទៅចុះលើភពព្រះចន្ទត្រង់ផ្នែកភ្លឺមើលឃើញនៃភពនោះកាលពីថ្ងៃទី១ធ្នូ។
ក្រោយប្រមូលបណ្ដាគំរូផ្ទៃដីភពព្រះចន្ទ បានលឿនជាងការគ្រោងទុកយានរ៉ូបូ CHANG’E5 បានហោះចេញពីផ្ទៃភពព្រះចន្ទវិលត្រឡប់មកវិញ។ នោះជាជោគជ័យមួយពុំធ្លាប់មានពីមុនមក។
យានCHANG’E5 ជាអ្នកបំពេញបេសកម្មដ៏ស្មុគ្រស្មាញនិងលំបាកបំផុតមួយ នៃប្រវត្តិសាស្ត្រអវកាសចិន ហើយក៏ជាការបំពេញបេសកកម្មពិភពលោកមួយ ក្នុងការប្រមូលបណ្ដាគំរូរបស់ភពព្រះចន្ទ ពុំធ្លាប់មានចាប់តាំងពីជាង៤០ឆ្នាំមកហើយ៕ ដកស្រង់ចេញពីវេបសាយ ៖ xinhuanet
ចែករំលែកព័តមាននេះ