ខេត្តកណ្ដាល ៖ រថយន្តធន់ធំមួយគ្រឿង បើករេចង្កូតព្រុលទៅបុក បុរសម្នាក់កំពុងជិះកង់ហាត់ប្រាណ បណ្តាលអោយរងរបួសធ្ងន់ បាក់ភ្លៅខាងស្ដាំ កាលពីវេលាម៉ោង៥ និង៥៥នាទី ព្រឹកថ្ងៃទី៤ ខែធ្នូ ឆ្នាំ២០២០នេះ នៅតាមបណ្ដោយផ្លូវជាតិលេខ២១B ស្ថិតក្នុងភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្ដាល ។
បើយោងតានមលោកវរសេនីយ៍ឯក យី វណ្ណដា អធិការក្រុងតាខ្មៅ បានឲ្យដឹងថា ជនរងគ្រោះមានឈ្មោះ អ៊ុក រ៉ាស៊ី អាយុ៤៥ឆ្នាំ រស់នៅភូមិចក្រអង្រែក្រោម សង្កាត់ចក្រអង្រែក្រោម ខណ្ឌមានជ័យ រាជធានីភ្នំពេញ រងរបួសបាក់ភ្លៅ ត្រូវបញ្ជូនទៅកាន់មន្ទីពេទ្យដើម្បីសង្គ្រោះបន្ទាន់ផងដែរ ។ ចំណែកឯអ្នកបើករថយន្តមានឈ្មោះ ថូយ វណ្ណៈ ភេទប្រុស អាយុ២៥ឆ្នាំ រស់នៅភូមិព្រែកត្រែង សង្កាត់សិត្បូត៍ ក្រុងតាខ្មៅ ខេត្តកណ្ដាល បើករថយន្តដឹកទំនិញធន់ធំ ពណ៍ខៀវ ពាក់ស្លាកលេខ ភ្នំពេញ 3B-3634 ជាកម្មសិទ្ធិរបស់ក្រុមហ៊ុន (ស៊ីហរហ៊ុយ) ។
ដោយឡែក បើសាក្សីនៅកន្លែងកើតហេតុ បានប្រាប់ថា នៅមុនពេលកើតហេតុ គេឃើញជនរងគ្រោះកំពុងជិះកង់គួក ដើម្បីហាត់ប្រាណតាមបណ្ដោយផ្លូវជាតិលេខ២១B ក្នុងទិសដៅពីត្បូងទៅជើង លុះដល់ចំណុចកើតហេតុខាងលើ ស្រាប់តែមានរថយន្តមួយគ្រឿង មកបុកពីក្រោយបណ្ដាលឲ្យបាក់ភ្លៅខាងស្ដាំ តែម្ដង ។ ក្រោយកើតហេតុភ្លាមៗ អ្នកបើកបររថយន្ត ត្រូវប្រជាពលរដ្ឋនិងក្រុមអ្នកជិះកង់ហាត់ប្រាណ ឃាត់ខ្លួនប្រគល់អោយសមត្តកិច្ច បញ្ជូនមកកាន់អធិការដ្ឋាននគបាលក្រុងតាខ្មៅ រីឯរថយន្តបង្ក និងកង់រងការខូចខាត មន្ត្រីប៉ូលិសចរាចរណ៍ ដឹកមករក្សាទុកនៅអធិការ ទុកជាវត្ថុតាង រងចាំដោយស្រាយគ្នានៅពេលក្រោយ ៕
ចែករំលែកព័តមាននេះ