ផ្សាយមេត្តាធម៌គឺជាការឧទ្ទិសសេចក្តីល្អទៅដល់សព្វសត្វកុំឱ្យមានពៀរនឹងគ្នា រម្ងាប់ការចងកម្មពៀរ ផ្តាច់កម្មពៀរនឹងគ្នាឱ្យជាសត្វរស់នៅដោយសុខសាន្តដោយការថែរក្សាខ្លួនប្រាណជានិច្ច ដូចពុទ្ធគាថាត្រាស់ថា៖
សព្វេ សត្តា អវេរា ហោន្តុ សុខី អត្តានំ បរិហរន្តុ សូមឱ្យសព្វសត្វទាំងអស់មិនមានពៀរនឹងគ្នា។ សូមឱ្យសព្វសត្វទាំងអស់ថែរក្សានូវខ្លួនឱ្យបានជាសុខតរៀងទៅ ។
ពុទ្ធភាសិតនេះក៏មានន័យស្របទៅនឹងសម័យវិទ្យាសាស្ត្រដូចសព្វថ្ងៃនេះផងដែរ ដែលមនុស្សនៅក្នុងពិភពលោករស់នៅទាំងការភ័យខ្លាចនឹងអំណាចជំងឺសង្គមដ៏កាចសាហាវដែលកំពុងរាតត្បាតទូទាំងសកលទ្វីប ហើយក៏ជាការកែទម្លាប់មនុស្សឱ្យរស់នៅត្រូវមានអនាម័យ ថែរក្សាការពារខ្លួនឱ្យមានសុខភាពល្អជានិច្ចទើបអាចរួចផុតពីមហាសោកនាថកម្មដ៏ធំធេងនេះបាន ៕ សាន សារិន
ចែករំលែកព័តមាននេះ