ខេត្តព្រះសីហនុ ៖ មន្ត្រីក្នុងកងវិស្វកម្មឲ្យដឹងថា ផ្លូវក្រោមដីសម្រាប់អ្នកថ្មើរជើងឆ្លងកាត់ផ្លូវជាតិលេខ៤ ក្នុងក្រុងព្រះសីហនុចំនួនពីរកន្លែង ដែលបានគូរគំនូរស្ថាបត្យកម្មដោយស្ថាបត្យករខ្មែរនៃក្រសួងសាធារណការនិងដឹកជញ្ជូន កំពុងស្ថាបនាដោយកងវិស្វកម្ម
តេជោ ហ៊ុន សែន សៀមរាប ក្រោមបញ្ជាការនាយឧត្តមសេនីយ៍ ខេង សុមេធ ក្រោមការត្រួតពិនិត្យលក្ខណបច្ចេកទេសដោយមន្ត្រីជំនាញរបស់ក្រសួងជាប្រចាំ ។
ផ្លូវក្រោមដីដែលស្ថាបនានេះ មានទទឹង៧ម៉ែត្រ កម្ពស់ជាង៣ម៉ែត្រនិងបណ្តោយ២៩ម៉ែត្រត្រូវបានសាងសង់ពីរចំណុចសំខាន់ៗគឺ ៖
១-ចំណុចរោងចក្រញូស្តា សម្រាប់សម្រួលដល់ការស្ទះចរាចរពេលដែលកម្មករ កម្មការនី ចេញនិងចូលធ្វើការ និង២-ចំណុចមុខសាលារៀនហ៊ុន សែន ឃ្លាំងលើ សម្រាប់សម្រួលដល់សិស្សានុសិស្សដែលត្រូវឆ្លងថ្នល់ចេញ-ចូលសាលារៀន ។
បើតាមមន្ត្រីថាផ្លូវក្រោមដីនេះ គឺជាចំណែកមួយនៃគំរោងពង្រីកផ្លូវជាតិលេខ៤របស់ក្រសួងសាធារណការនិងដឹកជញ្ជូន ក្រោមអនុសាសដ៏ថ្លៃថ្លារបស់សម្តេចអគ្គមហាសេនាបតីតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា និងថាការសង់ផ្លូវក្រោមដីទាំងពីរកន្លែងនេះ តាមផែនការក្រុមអ្នកសាងសង់គឺប្រើរយៈពេលប្រមាណ
៩០ថ្ងៃ ។
ចែករំលែកព័តមាននេះ