រាជធានីភ្នំពេញ៖ ជុំវិញស្ថានភាពករណីវិជ្ជមានកូវីដ ១៩ នៅកម្ពុជា នៅព្រឹកថ្ងៃទី ៣០ ខែវិច្ឆិកានេះ កម្ពុជាបានរកឃើញកុមារ៉ាជនជាតិខ្មែរមួយរូបទៀតហើយដែលបានកើតវិជ្ជមានកូវីដ ១៩ ដែលក្មេងប្រុសរូបនេះមានអាយុត្រឹមតែ…
រាជធានីភ្នំពេញ៖ ជុំវិញស្ថានភាពករណីវិជ្ជមានកូវីដ ១៩ នៅកម្ពុជា នៅព្រឹកថ្ងៃទី ៣០ ខែវិច្ឆិកានេះ កម្ពុជាបានរកឃើញកុមារ៉ាជនជាតិខ្មែរមួយរូបទៀតហើយដែលបានកើតវិជ្ជមានកូវីដ ១៩ ដែលក្មេងប្រុសរូបនេះមានអាយុត្រឹមតែ ៧ ឆ្នាំ ហើយជាប់ពាក់ព័ន្ធនៃការឆ្លងក្នុង «ព្រឹត្តិការណ៍សហគមន៍២៨ វិច្ឆិកា» ។
យោងតាមប្រកាសព័ត៌មានរបស់ក្រសួងសុខាភិបាលចុះថ្ងៃទី ៣០ ខែវិច្ឆិកាបានបញ្ជាក់ថា កុមារ៉ាជនជាតិខ្មែរអាយុ ៧ ឆ្នាំនេះ វិជ្ជមានកូវីដ ១៩ នេះគឺមានទីលំនៅក្នុងខណ្ឌច្បារអំពៅ ដែលជាក្មួយប្រុសរបស់អ្នក ជំងឺកូវីដ ១៩ ថ្មីដែលរកឃើញក្នុងព្រឹត្តិការណ៍សហគមន៍ ២៨ វិច្ឆិកា ហើយបច្ចុប្បន្នកុមារ៉ា រូបនេះត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាព ខ្មែរ-សូវៀត ។
សូមបញ្ជាក់ថា សម្រាប់ព្រឹត្តិការណ៍សហគមន៍ ២៨វិច្ឆិកា ត្រូវបានរកឃើញជាផ្លូវការនៃករណីវិជ្ជមានកូវីដ ១៩សរុប ១៤ នាក់ ដែលក្នុងនោះ គឺមានកុមារ៉ា យ៉ាងហោចណាស់ ២ នាក់បានឆ្លង ក្នុងនោះគឺមានកុមារ៉ា អាយុ ១២ ឆ្នាំមួយរូបត្រូវបានរកឃើញកើតកូវីដ ១៩ កាលពីថ្ងៃទី ២៨ ខែវិច្ឆិកា ។
សូមរម្លឹកថាសម្រាប់កម្ពុជាបានរកឃើញអ្នកជំងឺកូវីដ វ័យក្មេងជាងគេបំផុតកាលពីពាក់កណ្តាលខែ មីនា ឆ្នាំ២០២០ នោះគឺទារក ដែលមានអាយុ៤ខែតែប៉ុណ្ណោះ ដែលជាកូនរបស់បុរសជនជាតិបារាំងវ័យ៣៥ឆ្នាំម្នាក់ ដែលត្រូវបានរកឃើញថាមានផ្ទុកវីរុសកូវីដ១៩ នាដើមខែមីនា ដែលពេលនោះទារករូបនេះត្រូវបាន
បញ្ជួនទៅព្យាបាលនៅមន្ទីរពេទ្យកុមារជាតិ ។
គិតត្រឹមម៉ោង ៧ ព្រឹកថ្ងៃទី ៣០ ខែវិច្ឆិកា ឆ្នាំ២០២០ ស្ថានភាពជំងឺកូវីដ ១៩ នៅកម្ពុជាគឺមានករណីវិជ្ជមានសរុប ៣២៣ នាក់ ដែលក្នុងនោះគឺមានស្ត្រីចំនួន ៦១ នាក់ និងមានអ្នកជាសះស្បើយទូទាំងប្រទេសសរុប ៣០១ នាក់ និងកំពុងសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀតចំនួន ១៩ នាក់ និងមណ្ឌលសុខភាពចាក់អង្រែ ចំនួន ៣ នាក់ ៕
ចែករំលែកព័តមាននេះ