ព្រះពុទ្ធបង្រៀនយើងឱ្យស្គាល់ការណ៍ពិត
ព្រះពុទ្ធជាម្ចាស់នៃយើងបង្រៀនយើងឱ្យស្គាល់ពីប្រយោជន៍របស់ខ្លួនបានច្បាស់ដូចពុទ្ធគាថាត្រាស់ថា អត្តទត្ថំ បរត្ថេន ពហុនាបិ ន ហាបយេ អត្តទត្ថំ អភិញ្ញាយ សទត្ថប្បសុត្តោ សិយា…
ព្រះពុទ្ធជាម្ចាស់នៃយើងបង្រៀនយើងឱ្យស្គាល់ពីប្រយោជន៍របស់ខ្លួនបានច្បាស់ដូចពុទ្ធគាថាត្រាស់ថា អត្តទត្ថំ បរត្ថេន ពហុនាបិ ន ហាបយេ អត្តទត្ថំ អភិញ្ញាយ សទត្ថប្បសុត្តោ សិយា ។ ប្រែថា បុគ្គលកុំគប្បីធ្វើប្រយោជន៍ខ្លួនឯងឱ្យវិនាសសាបសូន្យព្រោះតែប្រយោជន៍អ្នកដទៃ បើដឹងច្បាស់នូវប្រយោជន៍របស់ខ្លួនហើយ គប្បីខ្វល់ខ្វាយក្នុងប្រយោជន៍របស់ខ្លួននោះចុះ ។
លើសពីនេះទៀត ព្រះពុទ្ធជាម្ចាស់ទ្រង់បានបង្រៀនយើងឱ្យចេះទទួលស្គាល់ការពិត ឱ្យហ៊ានទទួលស្គាល់ការពិតនៅក្នុងជីវិតដោយក្តីសន្តោស ហើយព្រះអង្គបង្រៀនយើងមិនឱ្យក្រេវក្រោធចំពោះការពិតនៃជីវិតរបស់យើងគ្រប់រូប ព្រោះវាជាច្បាប់ធម្មជាតិសុទ្ធសាធមិនលម្អៀងចំពោះសត្វណាមួយឡើយ ។
ព្រះមានព្រះភាគក៏បានបង្រៀនយើងឱ្យស្គាល់ពីមុខរបររកទទួលទានតាមផ្លូវសុចរិត ដែលលោកហៅថាសម្មាអាជីវៈ គឺការចិញ្ចឹមជីវិតត្រូវ ទ្រព្យសម្បត្តិបានមកដោយអំពើសុចរិតត្រឹមត្រូវ ។ សាន សារិន
ចែករំលែកព័តមាននេះ