រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី្កកម្ពុជាបានប្រកាសឲ្យដឹងថា «ព្រឹត្តិការណ៍សហគមន៍ ២៨ វិច្ឆិកា» សម្រាប់ការរីករាលដាលជាថ្មីចូលសហគមន៍នៃវីរុសកូវីដ ១៩…
រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី្កកម្ពុជាបានប្រកាសឲ្យដឹងថា «ព្រឹត្តិការណ៍សហគមន៍ ២៨ វិច្ឆិកា» សម្រាប់ការរីករាលដាលជាថ្មីចូលសហគមន៍នៃវីរុសកូវីដ ១៩ នេះគឺជារឿងធំ ព្រោះត្រឹមតរយៈពេលតែ ២ថ្ងៃសោះ គឺរកឃើញអ្នកកើតកូវីដ ១៩ សរុប ១៤ នាក់ ហើយអាចនឹងកើនឡើងដល់ ១៥ ផងដែរ ។
ថ្លែងចេញពីខេត្តសៀមរាបទីកន្លែងដែលសម្តេចនាយករដ្ឋមន្ត្រីអញ្ជើញជាអធិបតីក្នុងពិធីបើកការដ្ឋានសាងសង់ និងកែលំអរផ្លូវទាំង ៣៨ខ្សែ ក្នុងក្រុងសៀមរាប ប្រមុខដឹកនាំរាជរដ្ឋាភិបាលកម្ពុជាបានបញ្ជាក់ថា «ឥឡូវនេះដើម្បីជៀសវាងនូវបញ្ហាដែលនិយមហៅថា ឈ្មោះឯកឧត្តម ឆែម សាវុធ ឬហៅថាឯកឧត្តមអគ្គនាយកនៃអគ្គនាយកដ្ឋានពន្ធនាគារ គឺយើងត្រូវប្រើប្រាស់ប្រសិទ្ធនាមព្រឹត្តិការណ៍នេះ ជា «ព្រឹត្តិការណ៍សហគមន៍២៨ វិច្ឆិកា» ។
សម្តេចបានមានប្រសាសន៍បញ្ជាក់ថា «នេះជាលើកដំបូងហើយដែលយើងចាប់ផ្តើមឆ្លងចូលសហគមន៍ ដែលជាព្រឹត្តិការណ៍ដែលរកមិនទាន់ឃើញក្បាលកន្ទុយ ថាតើវាផ្តើមចេញមកពីទីណា ហើយវាកំពុងបង្កប់ខ្លួននៅទីណាទៀត ។ ចំណុចនេះគឺជាចំណុចដែលយើងមានការបារម្ភធំបំផុត ហើយខ្ញុំក៏សុំបញ្ជាក់ជូនថា ព្រឹត្តិការណ៍ នេះទាមទារឲ្យយើងត្រូវធ្វើប្រតិបត្តិការយ៉ាងលឿន ។
ប្រតិបត្តិការធ្វើក្នុងល្បឿនលឿននិងក្នុងកម្រិតទ្រង់ទ្រាយធំ ។ សម្រាប់ទូទាំងប្រទេសបានធ្វើតេស្តសំណាកជាង ៣៣០០ សំណាក មកពី៧ខេត្ត រកឃើញថាវិជ្ជមានចំនួន ១៤ ករណី ។ ក្នុងករណីដែលបញ្ជួនពីសៀមរាបត្រូវបានបញ្ជាក់ថាវិជ្ជមាន ការឆ្លងក្នុងសហគមន៍បានកើនឡើងដល់ ១៥ ករណីក្នុងរយៈពេលតែ ២ ថ្ងៃប៉ុណ្ណោះ ។
សម្តេចនាយករដ្ឋមន្ត្រីបានបន្ថែមថា «ប៉ុន្តែ អ្វីដែលគួរឲ្យចាប់អារម្មណ៍ គឺ ស្ថិតនៅក្នុងចង្កោមនៃអ្នកដែលធ្វើការនៅក្រសួងមហាផ្ទៃ និងក្រុមគ្រួសារ របស់ឯកឧត្តម ឆែម សាវុធ តែប៉ុណ្ណោះ ។ ដូច្នេះហើយបានជាការស្រាវជ្រាវនេះត្រូវធ្វើ មិនមែនគ្រាន់តែត្រឹមក្រុមគ្រួសារ របស់ឯកឧត្តម ឆែម សាវុធ ទេ ក៏ប៉ុន្តែនៅក្នុងក្របខណ្ឌក្រសួងមហាផ្ទៃ និងបន្ថែមទៅដោយការពាក់ព័ន្ធនានាន ទៅតាមខេត្តនានាផងដែរ ។ ដូចជាករណី ឯកឧត្តម ឆែម សាវុធ បានមកកាន់ខេត្តសៀមរាប ភរិយារបស់ ឯកឧត្តម ឆែម សាវុធ ក៏បានខេត្តសៀមរាប ។ ឯកឧត្តម ឆែម សាវុធ បានមកខេត្តសៀមរាបដើម្បីផ្ទេរអ្នកទោសត្រឡប់ទៅវិញ ដោយស្នងការខេត្តរបស់បន្ទាយមានជ័យក៏មកទទួល ដូច្នេះបន្ទាយមានជ័យក៏ត្រូវធ្វើនៅទីនោះ ។
សម្តេចបានបញ្ជាក់ថា «កូនរបស់ឯកឧត្តម ឆែម សាវុធ ដែលខ្ញុំបាននិយាយថាមួយករណី ដែលឃើញវិជ្ជមាននៅមន្ទីរពិសោធន៍ ខេត្តសៀមរាប គឺជាកូនស្រីរបស់ឯកឧត្តម ឆែម សាវុធ ហើយដែលទៅសួរសុខទុក្ខឪពុកម្តាយ ត្រឡប់មកវិញកើតមានករណីនេះ ប៉ុន្តែមិនទាន់ត្រូវបានអះអាងដោយវិទ្យាស្ថានប៉ាស្ទ័រកម្ពុជាទេ »។
នាយករដ្ឋមន្ត្រីបានបន្តថា «ដូច្នេះយើងត្រូវរុករកឲ្យគ្រប់ យើងត្រូវធ្វើក្នុងល្បឿនមួយលឿន និងក្នុងទ្រង់ទ្រាយធំ ដែលពេលនេះជាងពេលណាៗទាំងអស់ ។ ហើយពេលនេះមិនមែនជាពេលវេលាដែលត្រូវស្តីបន្ទោសគ្នា ហើយក៏មិនមែនជាពេលវេលាដែលត្រូវទម្លាក់កំហុសឲ្យអ្នកនេះ អ្នកនោះ នោះទេ តែជាពេលវេលាដែលយើងត្រូវសាមគ្គីភាពគ្នា ដើម្បីប្រយុទ្ធប្រឆាំងនឹងកូវីដ ១៩ នេះ »។ នេះជាសភាពការណ៍គួរឲ្យសោកស្តាយសម្រាប់កម្ពុជា តែមិនមែនកើតមានតែកម្ពុជាទេ កម្ពុជាបានខិតខំធ្វើជាង១១ ខែបញ្ជៀសការឆ្លងចូលសហគមន៍» ៕
ចែករំលែកព័តមាននេះ