រាជធានីភ្នំពេញ ៖ ក្រសួងវប្បធម៌ និងវិចិត្រសិល្បៈ បានប្រកាសនៅព្រឹកថ្ងៃទី៣០ ខែវិច្ឆិកា នេះថា បានសម្រេចបិទរោងកុន សារមន្ទីរ និងរោងសម្តែងសិល្បៈទូទាំងប្រទេសរយៈពេល១៤ថ្ងៃ ដោយគិតចាប់ពីថ្ងៃទី៣០ វិច្ឆិកា ឆ្នាំ២០២០នេះតទៅ។
យោងតាមសេចក្តីជូនដំណឹងរបស់ក្រសួងនៅថ្ងៃទី៣០ ខែវិច្ឆិកា ឆ្នាំ២០២០ បានបញ្ជាក់ថា ការសម្រេចបិទនេះ គឺធ្វើឡើង «ដោយមើលឃើញពីផលប៉ះពាល់នៃការរីករាលដាលជាសាកលនៃជំងឺកូវីដ ១៩ និងចៀសវាងការឆ្លងរីករាលដាលក្នុងសហគមន៍» ។
សូមបញ្ជាក់ថា គិតត្រឹមព្រឹកថ្ងៃទី៣០ ខែវិច្ឆិកានេះ គ្រឹះស្ថានឯកជនត្រូវបានផ្អាកដំណើរការជាបណ្តោះអាសន្ន ២ សប្តាហ៍ បិទសណ្ឋាគារភ្នំពេញ ក៏ដូចជាបិទទីតាំងអាជីវកម្មមួយចំនួនទៀតផងដែរ ក្រោយពីរកឃើញនូវការឆ្លងកូវីដ ១៩ ក្នុងសហគមន៍ ដែលបានកើនឡើងដល់ ១៤ ករណីហើយពាក់ព័ន្ធនឹងព្រឹត្តិការណ៍សហគមន៍ ២៨ វិច្ឆិកា ។
សូមរម្លឹកថា កាលពីអំឡុងព្រឹត្តិការណ៍ ៣វិច្ឆិកា ឆ្នាំ២០២០ ក៏ត្រូវបានបិទនូវទីតាំងមានមនុស្សប្រមូលផ្តុំច្រើនដែរ ដូចជារោងកុន និងសារមន្ទីររយៈពេល ១៤ ថ្ងៃផងដែរ ៕
ចែករំលែកព័តមាននេះ