តុលាការឥណ្ឌាហាមអាជីវកម្មរទេះសេះនៅទីក្រុង
AFP ផ្សាយថា រទេះសេះអាចនឹងលែងឃើញនៅលើដងផ្លូវនៅក្រុងមុមបៃ ក្រោយពីតុលាការសម្រេចថា ជារឿងខុសច្បាប់ ។ តុលាការកំណត់ឱ្យបណ្តាម្ចាស់រទេះសេះបញ្ឈប់អាជីវកម្មក្នុង
AFP ផ្សាយថា រទេះសេះអាចនឹងលែងឃើញនៅលើដងផ្លូវនៅក្រុងមុមបៃ ក្រោយពីតុលាការសម្រេចថា ជារឿងខុសច្បាប់ ។ តុលាការកំណត់ឱ្យបណ្តាម្ចាស់រទេះសេះបញ្ឈប់អាជីវកម្មក្នុង
AFP ផ្សាយថា រទេះសេះអាចនឹងលែងឃើញនៅលើដងផ្លូវនៅក្រុងមុមបៃ ក្រោយពីតុលាការសម្រេចថា ជារឿងខុសច្បាប់ ។ តុលាការកំណត់ឱ្យបណ្តាម្ចាស់រទេះសេះបញ្ឈប់អាជីវកម្មក្នុងរយៈពេល១ឆ្នាំខាងមុខ ។
រទេះសេះរំលេចដោយពណ៌ទឹកប្រាក់ តែងតែរត់នៅលើដងផ្លូវក្នុងក្រុងមុមបៃ តាំងពីសម័យអាណានិគមអង់គ្លេស និងទាក់ទាញអ្នកទេសចរអស់រយៈពេលជាច្រើនឆ្នាំមកហើយ ។
កាលពីថ្ងៃទី៨ មិថុនា ២០១៥ តុលាការកំពូលក្រុងមុមបៃ បានយល់ស្របតាមក្រុមអភិរក្សសត្វដោយចាត់ទុកការប្រកបអាជីវកម្មរទេះសេះ គឺជាការធ្វើទារុណកម្មសត្វ ។
តុលាការបញ្ជាក់ថា «យើងចាត់ទុកថា ការប្រើសេះសម្រាប់ជិះដើម្បីភាពសប្បាយរីករាយ គឺជារឿងខុសច្បាប់ទាំងស្រុង» ។ ស្របពេលជាមួយគ្នានេះដែរ តុលាការចេញបញ្ជាឱ្យអាជ្ញាធរក្រុងប្រតិបត្តិឱ្យប្រាកដប្រជាថា ការប្រើរទេះសេះនឹងត្រូវលុបចោលឱ្យខាងតែបានក្នុងរយៈពេល១ឆ្នាំ គិតចាប់ពីពេលនេះតទៅ ។
លើសពីនេះ តុលាការសម្រេចថា ក្រោលសេះខុសច្បាប់ដែលស្ថិតក្នុងក្រុងទាំងអស់ត្រូវបិទ និងបញ្ជាឱ្យអាជ្ញាធរពាក់ព័ន្ធត្រូវមានគម្រោងជួយអ្នកក្រុងប្រហែល៧០០នាក់ដែលពាក់ព័ន្ធនឹងមុខរបរនេះ ។
រទេះសេះធ្លាប់ប្រើជាយានដឹកជញ្ជូនមួយប្រភេទសម្រាប់អ្នកមានទ្រព្យស្តុកស្តម្ភរបស់ក្រុងបុមបៃ (ឈ្មោះចាស់នៃក្រុងមុមបៃបច្ចុប្បន្ន) ប៉ុន្តែបច្ចុប្បន្នរទេះសេះដឹកអ្នកទេសចរនៅជុំវិញតំបន់ប្រវត្តិសាស្ត្រ «កូឡាបា» និងនៅកន្លែងកម្សាន្តក្នុងទីក្រុង ។ រទេះសេះគេតែងឃើញនៅខាងក្រៅសណ្ឋាគារ ល្បីៗដូចជាសណ្ឋាគារ តាចមា៉ហាលបា៉ឡេស និងទ្វារជ័យរបស់ឥណ្ឌា (Gateway of India) រួមទាំងមានបង្ហាញនៅក្នុងខ្សែភាពយន្តហូលីវូដជាច្រើនរឿង ។ ក្តីកង្វល់ទាក់ទងនឹងក្រោលសេះខុសច្បាប់ និងការថែទាំសេះមិនដិតដល់ ធ្វើឱ្យក្រុមអភិរក្សសត្វ ដែលបានទទួលការគាំទ្រពីអង្គការអភិរក្សសត្វ PETA ប្រចាំប្រទេសឥណ្ឌា ប្តឹងទៅតុលាការ ។
នៅក្នុងបណ្តឹងរបស់ក្រុម PETA បញ្ជាក់ថា សេះទាំងនោះទទួលបានចំណីមិនគ្រប់គ្រាន់ មិនបានសម្រាកគ្រប់គ្រាន់ ឬមិនបានទទួលការថែទាំពីគ្រូពេទ្យ និងត្រូវម្ចាស់បង្ខំឱ្យឈរពេញមួយថ្ងៃ ៕
ចែករំលែកព័តមាននេះ