ដំណើរអន្តរធាននៃព្រះពុទ្ធសាសនា
នៅក្នុងព្រះត្រៃបិដកមាននិយាយអំពីដំណើរអន្តរធាននៃព្រះពុទ្ធសាសនាមាន៦ដំណាក់កាលដូចតទៅ ។ ព្រះពុទ្ធសាសនាកន្លងទៅបាន: ១- ៥៩០ឆ្នាំ សូន្យភិក្ខុនី គឺលែងមានភិក្ខុនី ។ ២- ១០០០ឆ្នាំ…
នៅក្នុងព្រះត្រៃបិដកមាននិយាយអំពីដំណើរអន្តរធាននៃព្រះពុទ្ធសាសនាមាន៦ដំណាក់កាលដូចតទៅ ។ ព្រះពុទ្ធសាសនាកន្លងទៅបាន:
១- ៥៩០ឆ្នាំ សូន្យភិក្ខុនី គឺលែងមានភិក្ខុនី ។
២- ១០០០ឆ្នាំ សូន្យព្រះអរហន្ត លែងមានព្រះអរហន្តទៀតហើយ ។
៣- ២០០០ឆ្នាំ សូន្យភិក្ខុអ្នកទ្រទ្រង់ព្រះត្រៃបិដក លែងមានភិក្ខុដែលចេះចាំនិងអាចទ្រទ្រង់ព្រះត្រៃបិដក ។
៤- ៣០០០ឆ្នាំ សូន្យភិក្ខុអ្នកធ្វើសង្ឃឧបោសថ គឺលែងមានភិក្ខុអ្នកធ្វើសង្ឃឧបោសថ ។
៥- ៤០០០ឆ្នាំ សូន្យភិក្ខុអ្នកទ្រទ្រង់ចីវរគ្រប់ត្រៃ មានតែភិក្ខុទ្រទ្រង់ចីវរមិនគ្រប់ត្រៃ គឺថាលែងមានភិក្ខុអ្នកទ្រទ្រង់ចីវរគ្រប់ត្រៃ ។
៦- ៥០០០ឆ្នាំ សូន្យភេទអ្នកបួស គឺលែងមានអ្នកបួសដែលទ្រទ្រង់សីលពិតប្រាកដ ។
មានសេចក្តីបកស្រាយថា ភេទជាព្រះសង្ឃ មិនប្រាកដនាសម័យនោះ គោត្រភូសង្ឃ គឺក្រុមបុគ្គលដែលគ្រាន់តែយកសំពត់ពណ៌លឿងមកសៀតត្រចៀក ឬចងកដៃ ក៏សម្គាល់ថាជាភេទអ្នកបួស មានជីវភាពដូចជាគ្រហស្ថ ប៉ុន្តែអ្នកធ្វើទានចំពោះបព្វជិតបែបដូច្នោះក៏បានបុណ្យដែរ ៕ សាន សារិន
ចែករំលែកព័តមាននេះ