ក្រុងប៉ោយប៉ែត ៖ សេចក្តីរាយការណ៍នៅមុននេះបន្តិច នារសៀលថ្ងៃទី១១ មិថុនា ២០១៥ ស្ថិតនៅមុខស្ថានីយប្រេងឥន្ធនៈមួយកន្លែងក្នុងក្រុងប៉ោយប៉ែត បុរស២នាក់ត្រូវបានរងរបួសរលាកពេញខ្លួនយ៉ាងធ្ងន់ធ្ងរ ក្នុងនោះម្នាក់ជាមន្ត្រីការិយាល័យទំនាក់ទំនងព្រំដែនឈ្មោះឡុង ចាន់ថន បន្ទាប់ពីមានហេតុការណ៍ឆាបឆេះក្នុងរថយន្តស៊េរីទំនើបមួយគ្រឿង ហើយជនរងគ្រោះទាំង២នាក់ត្រូវគេជួយដឹកទៅសង្គ្រោះនៅប្រទេសថៃ តាមច្រកទ្វារអន្តរជាតិប៉ោយប៉ែត ។
ប្រភពបានឱ្យដឹងថា នៅមុនពេលកើតហេតុ គេឃើញឈ្មោះឡុង ចាន់ថន (ជាអ្នកបើករថយន្ត) ជិះរថយន្តស៊េរីទំនើបម៉ាក CHRY SLER ពណ៌ខ្មៅ ពាក់ស្លាកលេខភ្នំពេញ 2Q-1112 បានចុះទៅទិញសាំងមួយលីត្រនៅស្ថានីយខាងលើ ដោយមានជម្លោះតិចតួចជាមួយកម្មករចាក់សាំងនោះ រួចហើយក៏ដើរចូលទៅក្នុងរថយន្តវិញ ស្រាប់តែមួយសន្ទុះ ក៏មានភ្លើងឆាបឆេះយ៉ាងសន្ធោសន្ធៅចេញពីក្នុងរថយន្តនោះ បណ្តាលបុរសទាំង២នាក់ខាងលើឆេះក្នុងរថយន្តនោះតែម្តង ។
ជំហានដំបូង គេនៅមិនទាន់សន្មត់ថា ជាករណីសម្លាប់ខ្លួន ឬក៏អ្វីផ្សេងនោះទេ ខណៈដែលសមត្ថកិច្ចកំពុងធ្វើការស្រាវជ្រាវ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ