«Thync»ឧបករណ៍ពាក់ក្បាលអាចផ្លាស់ប្តូរអារម្មណ៍
អ្នកជំនាញផ្នែកវិស្វកម្ម និងវិទ្យាសាស្ត្រផ្នែកណឺរ៉ូប្រព័ន្ធប្រាសាទមកពីសាកលវិទ្យាល័យ Stanford និងសាកលវិទ្យាល័យ Harvard បានបង្កើតឧបករណ៍មួយប្រភេទឱ្យឈ្មោះថា «Thync»
អ្នកជំនាញផ្នែកវិស្វកម្ម និងវិទ្យាសាស្ត្រផ្នែកណឺរ៉ូប្រព័ន្ធប្រាសាទមកពីសាកលវិទ្យាល័យ Stanford និងសាកលវិទ្យាល័យ Harvard បានបង្កើតឧបករណ៍មួយប្រភេទឱ្យឈ្មោះថា «Thync» ដែលមានតួនាទីពិសេសអាចផ្លាស់ប្តូរអារម្មណ៍របស់មនុស្សបាន ។
«Thync» គឺជាឧបករណ៍ពាក់ក្បាលដែលមានរាងត្រីកោណ មានទំហំតូចល្មមដូចបង្ហាញក្នុងរូប ព្រមទាំងប្រើប្រាស់អេឡិចត្រូអង់ស៊េផាឡូហ្គ្រាភីដើម្បីវាស់ស្ទង់សកម្មភាពអេឡិចទ្រិករបស់ខួរក្បាល ។
អ្វីដែលលោកអ្នកត្រូវធ្វើនោះគឺភ្ជាប់ឧបករណ៍នោះជាមួយនឹងថ្ងាស បន្ទាប់មកលោកអ្នកអាចជ្រើសរើសយកអារម្មណ៍ពិសេសណាមួយដែលពេញចិត្តតាមរយៈកម្មវិធីក្នុងទូរស័ព្ទស្មាត ហ្វូន Apple ដូចជាអារម្មណ៍សប្បាយ សម្រាក និងអារម្មណ៍ពោរពេញដោយថាមពល ។ អ្វីដែលហាមឃាត់នោះគឺប្រើប្រាស់ថ្នាំ ភេសជ្ជៈ ឬសារជាតិអាល់កុលជាដើមព្រោះវាអាចធ្វើឱ្យបង្អាក់ដំណើរការរបស់ឧបករណ៍ Thync ។
Jamie Tyler សហស្ថាបនិកបង្កើតឧបករណ៍ឆ្លាតវៃនេះនិយាយថា «យើងបានសាកល្បងជាមួយមនុស្ស៣៧០០នាក់ និងឆ្លងកាត់ការពិសោធក្នុងមន្ទីពិសោធន៍ ហើយថែមទាំងបានប្រកាសជាផ្លូវការកាលពីថ្ងៃទី២ មិថុនា ២០១៥ ដោយទទួលបានលទ្ធផលល្អផងដែរ ។ យើងបានចំណាយពេលច្រើនឆ្នាំ និងទឹកប្រាក់ប្រមាណជា១៥លានដុល្លារលើការបង្កើត» ។
ទោះជាយ៉ាងណាក៍ដោយក្រុមហ៊ុនមិនទាន់ប្រកាសពីតម្លៃលក់លើទីផ្សានៅឡើយទេ ។
អ្នកសម្រួលអត្ថបទប្រចាំការសែត Boston Business ដែលបានសាកល្បងពាក់ឧបករណ៍ នេះលើកដំបូងបានថ្លែងប្រាប់មហាជនថា «ខ្ញុំពិតជាទទួលបានអារម្មណ៍ពិសេសមួយទៀតដែល មិនប៉ះពាល់ដល់ប្រព័ន្ធខួរក្បាលទេ »៕
ចែករំលែកព័តមាននេះ