រាជធានីភ្នំពេញ ៖ សម្ដេចតេជោ ហ៊ុន សែន បានផ្ញើសារសំឡេងក្នុងប្រព័ន្ធតេឡេក្រាមថា នេះជាករណីដំបូងបំផុត ដែលយើងអាចចាត់ទុកថា ជាការឆ្លងក្នុងសហគមន៍ ក្រោយរកឃើញស្ត្រីរូបនេះដែលជាភរិយាឯកឧត្តម…
រាជធានីភ្នំពេញ ៖ សម្ដេចតេជោ ហ៊ុន សែន បានផ្ញើសារសំឡេងក្នុងប្រព័ន្ធតេឡេក្រាមថា នេះជាករណីដំបូងបំផុត ដែលយើងអាចចាត់ទុកថា ជាការឆ្លងក្នុងសហគមន៍ ក្រោយរកឃើញស្ត្រីរូបនេះដែលជាភរិយាឯកឧត្តម ឆែម សាវុធ អគ្គនាយក នៃអគ្គនាយកដ្ឋានពន្ធនាគារ ។ ហើយមានការពាក់ពន្ធជាមួយខេត្តសៀមរាប ភ្នំពេញ និងអាចឈានដល់ខេត្តបន្ទាយមានជ័យ ខេត្តមណ្ឌលគីរី ។
សម្ដេចតេជោ បានបញ្ជាក់ថា ក្នុងស្ថានភាពបែបនេះ រាជដ្ឋាភិបាលបានប្រកាន់យកវិ ធានការជាបន្ទាន់ ដោយធ្វើការប្រមូលផ្តុំអ្នកដែលពាក់ព័ន្ធទាំងផ្ទាល់ និងប្រយោលយកមកធ្វើសំណាក និងពិនិត្យ ។
ដោយឡែក នៅក្នុងទីក្រុងភ្នំពេញ មានថ្នាក់ឧបនាយករដ្ឋមន្ត្រី គឺសម្តេច ស ខេង រដ្ឋមន្ត្រីក្រសួងមហាផ្ទៃ ឯកឧត្តម ប៊ិន ឈិន ឯកឧត្តម កើត រិទ្ធ ក៏ដូចជា មេដឹកនាំមួយចំនួនទៀត ដែលបានប្រជុំជាមួយគ្នាចាំបាច់ត្រូវធ្វើចត្តាឡីស័ក ហើយក៏ត្រូវធ្វើការធ្វើតេស្ត ដោយម៉ត់ចត់ ក្នុងនោះអាចមានទាំងក្រុមគ្រួសារផងដែរ ។
សម្តេចតេជោ បានបន្តថា ចំពោះអ៊ីអនមួយ ដោយសារចាំបាច់ត្រូវបិទមួយរយៈពេលខ្លី ដើម្បីត្រួតពនិនិត្យអ្នកដែលមានការពាក់ព័ន្ធ ។
សម្តេចតេជោ ហ៊ុន សែន បានបន្ថែមទៀតថា សម្តេចសូមអំពាវនាវពលរដ្ឋកុំមានការឆោឡោ ភ័យខ្លាច រហូតទៅដល់ការបាត់បង់នូវការគ្រប់គ្រង ។ ប៉ុន្តែសម្តេច ក៏សុំស្នើពលរដ្ឋបង្កើននូវការយកចិត្តទុកដាក់ ពាក់ព័ន្ធជាមួយហ្នឹងការការពារខ្លួន តាមរយៈការពាក់ម៉ាស់ លាងដៃ ការអនាម័យតាមការណែនាំរបស់ក្រសួងសុខាភិបាល ។
ក្នុងករណីដែលមានការសង្ស័យត្រូវទៅរកកាបញ្ជាក់ពីគ្រូពេទ្យឲ្យបានឆាប់ ។ សុំបង្កើននូវការប្រុងប្រយ័ត្ន ដើម្បីការពារខ្លួនក្នុងកាលៈទេសៈដែលចាំបាច់នេះ ហើយបើអាចជៀសវាងបាន សូមជៀសវាង កុំធ្វើការប្រមូលផ្តុំណាមួយ ។ សម្តេចតេជោ៖ មិនមានការបិទ សាលារៀន ខេត្តដែលមានការពាក់ព័ន្ធទេ ៕
ចែករំលែកព័តមាននេះ