កំណាព្យ (កុំបីធ្វេសប្រហែស) បទពាក្យ៨ ដោយ សំអាត ទី
ខ្ញុំសូមជូនពរបងប្អូនប្រុសស្រី ពេលចូលឆ្នាំថ្មីជិតមកដល់ហើយ
បងប្អូនមាមីងកុំនៅកន្ដើយ រៀបចំអោយហើយការប្រុងប្រយ័ត្ន ។
ខ្ញុំសូមជូនពរបងប្អូនប្រុសស្រី ពេលចូលឆ្នាំថ្មីជិតមកដល់ហើយ
បងប្អូនមាមីងកុំនៅកន្ដើយ រៀបចំអោយហើយការប្រុងប្រយ័ត្ន ។
រៀបរាប់ដោយៈ សំអាត ទី
ខ្ញុំសូមជូនពរបងប្អូនប្រុសស្រី ពេលចូលឆ្នាំថ្មីជិតមកដល់ហើយ
បងប្អូនមាមីងកុំនៅកន្ដើយ រៀបចំអោយហើយការប្រុងប្រយ័ត្ន ។
ជីដូនជីតាគាត់បានចែកស្ថាន កូនចៅគ្រប់ប្រាណក្នុងចិត្ដម៉ឺងម៉ាត់
រៀបចំសែនព្រេនហៅរកពុំបាត់ ទោះជារសាត់នៅតែហៅរក ។
អញ្ជើញយាយតូចអញ្ជើញយាយធំ អញ្ជើញជួបជុំសូមកុំភ្លេចមក
សូមយាយនឹងតាពុកម៉ែពន្លក អញ្ជើញមករកម្ហូបចំណីសែន ។
សំរិតសំរាងឥតខ្ចោះពុកម៉ែ មានស្រាមានតែមានលុយរាប់សែន
មាន់ទាជ្រូកខ្វៃនេះជាសំណែន ដែលកូនបានសែនជូនទៅពុកម៉ែ ។
ពិធីសែនព្រេនបានចប់សព្វគ្រប់ នៅពេលព្រលប់កុំពុលតាប៉ែ
ទៀនហើយនឹងធូបដែលបានដុតដែរ ត្រូវចេះថ្នមថែប្រយ័ត្នភ្លើងឆេះ ។
សប្បាយភ្លេចខ្លួនភ្លេចគិតធូបទៀន កំទេចធ្លាក់កៀនបណ្ដាលឱ្យឆេះ
ដោយសារសែនព្រេននឹងធ្វេសប្រហែស នៅសល់តែផែះឆេះម៉ត់កំទេច ។
សូមប្រុងប្រយ័ត្នមានកំរិតខ្ពស់ ទោះផឹកជ្រុលជ្រួសក៏គង់មិនភ្លេច
លត់ភ្លើងទៀនធូបមិនសល់កំទេច ចាក់ទឹកពន្លេចឱ្យអស់សង្ការ ។
ត្រួតពិនិត្យហើយត្រួតពិនិត្យទៀត កុំឱ្យភ្លើងឆ្លៀតនាំកើតទុក្ខា
ប្រុងប្រៀបជានិច្ចនូវគ្រប់អត្មា ខ្ញុំជឿជាក់ថាគ្មានភ្លើងឆេះផ្ទះ ។
ចែករំលែកព័តមាននេះ