វេជ្ជបណ្ឌិតនៅមន្ទីរពេទ្យប្រជាជនដុងយ៉ាងខេត្តស៊ីជាំង ប្រទេសចិនបានរកឃើញដុំក្រួស ៤២០គ្រាប់ក្នុងតម្រងនោមឆ្វេងបុរសអ្នកជំងឺម្នាក់កាលពីពេល ថ្មីៗកន្លងមក ។ បុរសនោះមានត្រកូល He
វេជ្ជបណ្ឌិតនៅមន្ទីរពេទ្យប្រជាជនដុងយ៉ាងខេត្តស៊ីជាំង ប្រទេសចិនបានរកឃើញដុំក្រួស ៤២០គ្រាប់ក្នុងតម្រងនោមឆ្វេងបុរសអ្នកជំងឺម្នាក់កាលពីពេល ថ្មីៗកន្លងមក ។ បុរសនោះមានត្រកូល He វ័យ ៥៥ឆ្នាំ បានទៅឱ្យគ្រូពេទ្យពិនិត្យក្រោយពីរូបលោកមានអាការឈឺពោះ ខ្លាំង ។
ទាំងគ្រូពេទ្យ ទាំងអ្នកជំងឺភ្ញាក់ផ្អើលជាខ្លាំងនៅពេលម៉ាស៊ីនស្គែនបង្ហាញថា តម្រងនោមខាងឆ្វេងពោរពេញទៅដោយដុំក្រួសជាច្រើនគ្រាប់ ។
វេជ្ជបណ្ឌិតម្នាក់ក្នុងចំណោមវេជ្ជបណ្ឌិតជាច្រើនរូបទៀតដែលមានបទពិសោធន៍៨ ឆ្នាំនិយាយថា «ខ្ញុំមិនដែលប្រទះឃើញការវះកាត់មានដុំក្រួសក្នុងតម្រងនោម បែបនេះពីមុនមកទេ តែវាជារឿងល្អសម្រាប់គាត់ដែលបានមកពិនិត្យ និងយកគ្រាប់ក្រួសចេញ បើពុំដូច្នោះទេតម្រងនោមនឹងលែងដំណើរការជាមិនខាន» ។
គ្រូពេទ្យម្នាក់ទៀតនិយាយថា ចំណាយពេលជិត២ម៉ោងលើការវះកាត់ដ៏លំបាកនេះ និងរយៈពេល៤៥នាទីទៀតដើម្បីយកគ្រាប់ក្រួសចេញម្តង មួយៗ ។ មូលហេតុមានដុំក្រួសក្នុងតម្រងនោម គឺបណ្តាលមកពីអ្នកជំងឺទទួលទានតៅហ៊ូដែលសម្បូរដោយសារធាតុកាល់ស្យូម ហើយគាត់មានទម្លាប់អាក្រក់ពុំដែលទទួលទានទឹកទេ អំឡុងពេលបរិភោគតៅហ៊ូ ។
មិនមែនជាលើកទី១ទេ ដែលវេជ្ជបណ្ឌិតរកឃើញដុំក្រួសក្នុងតម្រងនោមអ្នកជំងឺ។ កាលពី២០ឆ្នាំមុនក៏ធ្លាប់មានរឿងរ៉ាវស្រដៀងនេះដែរនៅប្រទេសចិន តែដុំក្រួសមានចំនួនត្រឹមតែ១០គ្រាប់ប៉ុណ្ណោះ ៕
ចែករំលែកព័តមាននេះ