ខេត្តប៉ៃលិន ៖ ប្រជាពលរដ្ឋចំនួន៣ភូមិស្ថិតក្នុងឃុំសាលាក្រៅ ស្រុកសាលាក្រៅ បានទទួលអំណោយពីសាខាកាកបាទក្រហម ខេត្តប៉ៃលិន កាលពីរសៀលថ្ងៃទី១០ មិថុនា ២០១៥ នេះ បន្ទាប់ពីទទួលរងគ្រោះធម្មជាតិដោយសារខ្យល់កន្ត្រាក់ កាលពីប៉ុន្មានថ្ងៃ
ខេត្តប៉ៃលិន ៖ ប្រជាពលរដ្ឋចំនួន៣ភូមិស្ថិតក្នុងឃុំសាលាក្រៅ ស្រុកសាលាក្រៅ បានទទួលអំណោយពីសាខាកាកបាទក្រហម ខេត្តប៉ៃលិន កាលពីរសៀលថ្ងៃទី១០ មិថុនា ២០១៥ នេះ បន្ទាប់ពីទទួលរងគ្រោះធម្មជាតិដោយសារខ្យល់កន្ត្រាក់ កាលពីប៉ុន្មានថ្ងៃកន្លងមក ដោយផ្ទះអ្នកខ្លះរលំខូចខាតទាំងស្រុង ខ្លះប៉ើងដំបូល បណ្តាលឱ្យប៉ះពាល់អស់ចំនួន៣៣ខ្នង ។
កាកបាទក្រហមកម្ពុជាសាខាខេត្តប៉ៃលិន ដែលដឹកនាំដោយលោកសៅ សារ៉ាត់ អភិបាលរងខេត្ត និងជាអនុប្រធានគណៈកម្មាធិការសាខាកាកបាទក្រហមខេត្តប៉ៃលិន បាននាំយកអំណោយ រួមមានអង្ករ២៥គីឡូក្រាម, ប៊ីចេង១គីឡូក្រាម, ស្ករ.ស១គីឡូ ក្រាម, អំបិល១គីឡូក្រាម, ត្រីខ១ឡូត៍, មី១កេស, ទឹកត្រី១យួរ, ទឹកស៊ីអ៊ីវ១យួរ, ប្រេងឆា១ដប, ភួយ, មុង, ក្រមា និងសារុង ។
លោកសៅ សារ៉ាត់ បានរៀបរាប់ឱ្យដឹងថា អ្នករងគ្រោះធ្ងន់ធ្ងរចំនួន១២គ្រួសារ បានទទួលតង់១ផ្ទាំងបន្ថែម និងថវិកាចំនួន១០ម៉ឺនរៀល ។ ចំណែកអ្នកទទួលរងគ្រោះស្រាលទទួលបានថវិកាចំនួន៥ម៉ឺនរៀល ។
លោកបញ្ជាក់បន្ថែមថា សាខាកាកបាទក្រហមកម្ពុជាចែកអំណោយនេះ គឺមិនប្រកាន់និន្នាការនយោបាយ ឬបក្សពួកណានោះឡើយ ពោលគឺឱ្យតែជួបគ្រោះមហន្តរាយ ខាងក្រុមការងាររបស់សាខាកាកបាទក្រហមតែងតែយកអំណោយទៅជូនដល់ប្រជាពលរដ្ឋដែលរងគ្រោះ ដើម្បីជួយដោះស្រាយបញ្ហាជីវភាពរបស់ពួកគាត់មួយគ្រាដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ