«ការផ្សាយពាណិជ្ជកម្ម» គឺជាយុទ្ធសាស្ត្រទីផ្សារដើម្បីបង្ហាញផលិតផលអ្វីមួយដល់អតិថិជន ធ្វើឱ្យពួកគេពេញចិត្តនឹងទិញផលិតផលនោះដោយសិល្ប៍វិធីបញ្ចុះបញ្ចូល ឬណែនាំពីអត្ថប្រយោជន៍របស់វា ។
«ការផ្សាយពាណិជ្ជកម្ម» គឺជាយុទ្ធសាស្ត្រទីផ្សារដើម្បីបង្ហាញផលិតផលអ្វីមួយដល់អតិថិជន ធ្វើឱ្យពួកគេពេញចិត្តនឹងទិញផលិតផលនោះដោយសិល្ប៍វិធីបញ្ចុះបញ្ចូល ឬណែនាំពីអត្ថប្រយោជន៍របស់វា ។ ដោយឡែកក្រុមហ៊ុនភេសជ្ជៈមួយនៅប្រទេសជប៉ុនឈ្មោះ Otsuka Pharmaceutical Co., Ltd ត្រៀមផ្សាយពាណិជ្ជកម្មលើឋានព្រះចន្ទដែលជាភពរណបរបស់ផែនដី ។
ក្រុមហ៊ុន Otsuka Pharmaceutical Co., Ltd នឹងផ្សាយពាណិជ្ជកម្មផលិតផល «Pocari Sweat» ភេសជ្ជៈជាតិអុីយ៉ុងសម្រាប់សុខភាពនៅលើឋានព្រះចន្ទនៅខែតុលា ២០១៥ ក្រោយពីរៀបចំគម្រោងរួចរាល់កាលពីថ្ងៃទី១៥ ឧសភា ។ ក្រុមហ៊ុន Otsuka នឹងសហការជាមួយក្រុមហ៊ុន Astrobotic Technology ដែលជាក្រុមហ៊ុនអវកាសឯកជន និងក្រុមហ៊ុនអាមេរិក SpaceX តាមរយៈរ៉ុក្កែត Falcon 9 ក្នុងរយៈចម្ងាយជាង៣៧ម៉ឺនគីឡូម៉ែត្រពីភពផែនដី ។ ដើម្បីស៊ាំនឹងសីតុណ្ហភាពត្រជាក់ខ្លាំងនៅសីតុណ្ហភាពដក ១៧០ អង្សាសេពេលយប់ និងក្តៅខ្លាំងនៅសីតុណ្ហភាព១១០អង្សាសេនៅពេលថ្ងៃលើឋានព្រះចន្ទ កំប៉ុងភេសជ្ជៈ Pocari Sweat ត្រូវធ្វើឡើងពីលោហធាតុ «ទីតាញូ៉ម» ដែលជាសមាសធាតុកម្រ មានតម្លៃថ្លៃជាងគេក្នុងលោក និងជាធាតុផ្សំផលិតអាវុធប្រល័យលោកនុយក្លេអ៊ែរដែរ ។
នេះជាការផ្សាយពាណិជ្ជកម្មដំបូងគេក្នុងប្រវត្តិសាស្ត្រប្រព័ន្ធផ្សាយពាណិជ្ជកម្មដែលនឹងចាប់យករូបភាពផ្ទាល់ពីឋានព្រះចន្ទមកកាន់ផែនដី ។ ក្រុមហ៊ុន Otsuka Pharmaceutical Co., Ltd បង្កើតឡើងក្នុងឆ្នាំ១៩៨០ ហើយបច្ចុប្បន្ននេះបានចរាចរលើទីផ្សារនៅបណ្តាប្រទេសមួយចំនួនក្នុងទ្វីបអាស៊ីខាងកើត អាស៊ីអាគ្នេយ៍ និងអាស៊ីបូព៌ា ៕
ចែករំលែកព័តមាននេះ