«ដឹមេត្រូ» របស់អង់គ្លេស ផ្សាយកាលពីពេល ថ្មីៗនេះថា លោកស្ទីវ អាយុ៤៥ឆ្នាំ និងអ្នកស្រីម៉ៃឃើល បៀ អាយុ៤៣ឆ្នាំ ជាប្តីប្រពន្ធដែលមានជំងឺធាត់ខ្លាំង បានរងការរិះគន់ពីមហាជនអង់គ្លេសថា
«ដឹមេត្រូ» របស់អង់គ្លេស ផ្សាយកាលពីពេល ថ្មីៗនេះថា លោកស្ទីវ អាយុ៤៥ឆ្នាំ និងអ្នកស្រីម៉ៃឃើល បៀ អាយុ៤៣ឆ្នាំ ជាប្តីប្រពន្ធដែលមានជំងឺធាត់ខ្លាំង បានរងការរិះគន់ពីមហាជនអង់គ្លេសថា ពួកគេចំណាយប្រាក់របស់រដ្ឋដើម្បីរៀបការ ។ ពួកគេព្យាយាមសម្រកទម្ងន់ ក្រោយពីរៀបការរយៈពេលជិត១ឆ្នាំ តែមិនអាចរួមដំណេកជាមួយគ្នាបាន ។
លោកស្ទីវ មានទម្ងន់២០៣គីឡូក្រាម និងអ្នកស្រីម៉ៃឃើល មានទម្ងន់១៤៦គីឡូក្រាម បានព្យាយាមសម្រកទម្ងន់តាមរយៈកម្មវិធី «ហ្វែត-អ័ហ្វ-ហ្វ៊ីត» (Fat-of-Fit) អស់រយៈពេល៥ខែ ។ អ្នកទាំង២ត្រូវហាត់ប្រាណរយៈពេល៦ថ្ងៃក្នុងមួយសប្តាហ៍ រួមទាំងកំណត់ឱ្យទទួលទានអាហារយ៉ាងតឹងរ៉ឹង ។ ឆ្លងផុតរយៈពេល៥ខែ លោកស្ទីវ ស្រកទម្ងន់នៅត្រឹម១៤៦គីឡូក្រាម និងអ្នកស្រីម៉ៃឃើលស្រកទម្ងន់នៅត្រឹម១១៤គីឡូក្រាម ។
បច្ចុប្បន្នប្តី-ប្រពន្ធនោះរស់នៅក្នុងក្រុងភ្លីម៉ៅ ភាគខាងលិចឆៀងខាងត្បូងចក្រភពអង់គ្លេស ។ លោកស្ទីវ និយាយថា ចាប់តាំងពីពួកគេសម្រកទម្ងន់មកធ្វើឱ្យខ្សែជីវិតមានលក្ខណៈល្អប្រសើរ និងអាចរួមដំណេកបានក្រោយពីភាពធាត់ជាឧបសគ្គនាពេលកន្លងមក ។
ពេលស្រកទម្ងន់ធ្វើឱ្យសុខភាពលោកស្ទីវល្អប្រសើរ មិនចាំបាច់ទៅជួបគ្រូពេទ្យដើម្បីព្យាបាលជំងឺលើសឈាមទេ រីឯជំងឺទឹកនោមផ្អែមដែលធ្លាប់យាយីបានប្រសើរឡើងដែរ ។
លោកស្ទីវតាំងចិត្តសម្រកទម្ងន់ឱ្យបាន៧៦គីឡូក្រាមទៀត ៕
ចែករំលែកព័តមាននេះ