ប្រភពព័ត៌មានរដ្ឋាភិបាលអាល្លឺម៉ង់ដែលអះអាងពីព័ត៌មានទាំងឡាយរបស់សារព័ត៌មាន និយាយថា ប្រទេសអាល្លឺម៉ង់បានជ្រើសរើសយកប្រព័ន្ធមីស៊ីលដី-អាកាស MEADS ផលិតដោយក្រុមហ៊ុនការពារអឺរ៉ុប MBDA
ប្រភពព័ត៌មានរដ្ឋាភិបាលអាល្លឺម៉ង់ដែលអះអាងពីព័ត៌មានទាំងឡាយរបស់សារព័ត៌មាន និយាយថា ប្រទេសអាល្លឺម៉ង់បានជ្រើសរើសយកប្រព័ន្ធមីស៊ីលដី-អាកាស MEADS ផលិតដោយក្រុមហ៊ុនការពារអឺរ៉ុប MBDA និងក្រុមហ៊ុនអាមេរិក Lockheed Martin ដោយមិនជ្រើសយកមីស៊ីលប៉ាទ្រីយ៉ូតអាមេរិក Raytheon ឡើយ ។
ទូរទស្សន៍អាល្លឺម៉ង់ ARD ជាអ្នកប្រកាសមុនគេពីភ្លើងខៀវរបស់ក្រុងប៊ែរឡាំងចំពោះកុងត្រានេះ ដែលអាចមានទឹកប្រាក់ដល់ទៅ៤,៥ពាន់លានដុល្លារ ។
កាសែតអាមេរិកមួយ ក៏រាយការណ៍ពីព័ត៌មាននេះដែរ ដោយដកស្រង់សម្តី លោក Charles Schumer ព្រឹទ្ធសមាជិករដ្ឋញូវយ៉ក ដែលនៅទីនោះក្រុមហ៊ុន Lockheed Martin មានរោងចក្រធំមួយ ។
សាជីវកម្មអឺរ៉ុប MBDA រួមមានក្រុមហ៊ុន Airbus Group ក្រុមហ៊ុន Italien Finmeccanica និងក្រុមហ៊ុនអង់គ្លេស BAE Systems ។ សហរដ្ឋអាមេរិក អីុតាលី និងអាល្លឺម៉ង់ បានវិនិយោគទឹកប្រាក់ប្រមាណជា៣,៤ពាន់លានដុល្លារ រយៈពេល១០ឆ្នាំចុងក្រោយនេះ ក្នុងការពង្រីកប្រព័ន្ធការពារ MEADS សម្រាប់ជំនួសប្រព័ន្ធមីស៊ីលប៉ាទ្រីយ៉ូត ក៏ប៉ុន្តែក្រុងវ៉ាស៊ីនតោន បានសម្រេចកាលពីឆ្នាំ២០១២ ដកខ្លួនថយពីគម្រោងនេះវិញ ដោយលើកហេតុផលពីការកាត់បន្ថយថវិកា ។
ក្រៅពីប្រទេសអាល្លឺម៉ង់ ប្រទេសអីុតាលី និងហូឡង់ ត្រូវសម្រេចលើប្រព័ន្ធមីស៊ីល ដែលនឹងត្រូវយកទៅបំពាក់ឱ្យកងទ័ពរបស់ពួកគេ ក្នុងបណ្តាឆ្នាំខាងមុខ ។ ចំណែកប្រទេសប៉ូឡូញ នាពេលថ្មីៗនេះបានសម្រេចជ្រើសរើសយកមីស៊ីលប៉ាទ្រីយ៉ូត ដែលកាន់តែទំនើប ៕
ចែករំលែកព័តមាននេះ