ខេត្តកំពង់ធំ ៖ ប្រាក់បេឡាមរណៈសង្គ្រោះចំនួន១២លានរៀលត្រូវបាន លោក លឹម ឆាយ អនុរដ្ឋលេខាធិការ ក្រសួងសង្គមកិច្ចអតីតយុទ្ធជន និងយុវនីតិសម្បទា ធ្វើពិធីប្រគល់ជូនដល់គ្រួសារសពសមាជិកសមាគមអតីតយុទ្ធជនកម្ពុជាចំនួន៣នាក់
ខេត្តកំពង់ធំ ៖ ប្រាក់បេឡាមរណៈសង្គ្រោះចំនួន១២លានរៀលត្រូវបាន លោក លឹម ឆាយ អនុរដ្ឋលេខាធិការ ក្រសួងសង្គមកិច្ចអតីតយុទ្ធជន និងយុវនីតិសម្បទា ធ្វើពិធីប្រគល់ជូនដល់គ្រួសារសពសមាជិកសមាគមអតីតយុទ្ធជនកម្ពុជាចំនួន៣នាក់ កាលពីព្រឹកថ្ងៃទី៨ មិថុនា នៅក្នុងមន្ទីរសង្គមកិច្ចអតីតយុទ្ធជន និងយុវនីតិសម្បទាខេត្ត ។
លោក អៀប ឈុនស្រៀង អនុប្រធានស្តីទីនៃមន្ទីរសង្គមកិច្ចអតីតយុទ្ធជន និងយុវនីតិសម្បទាខេត្ត បានអានរបាយការណ៏ថា មន្ទីរបានស្នើឡើងទៅក្រសួងមានចំនួនសរុប២៣៥នាក់ គិតមកដល់ថ្ងៃនេះ គឺបានប្រគល់ជូនចំនួន១៨៥នាក់ នៅសល់៥០នាក់ទៀត ក្នុងនោះ មានឆ្នាំ២០១៣នៅសល់១នាក់ ឆ្នាំ២០១៤ នៅសល់៣១នាក់ និងនៅឆ្នាំ២០១៥នៅសល់១៨.នាក់ ។
លោក លឹម ឆាយ អនុរដ្ឋលេខាធិការក្រសួងសង្គមកិច្ចអតីតយុទ្ធជន និងយុវនីតិសម្បទាមានប្រសាន៏ថា ចំពោះប្រាក់សង្ក្រោះជូនគ្រួសារសពសមាជិកសមាគមអតីតយុទ្ធជនកម្ពុជានេះ បើទោះបីជាមានការយឺតយ៉ាវបន្តិចមិនបានទាន់ពេលវេលាទៅតាមសេចក្តីត្រូវការរបស់បងប្អូនយ៉ាងណាក្តី ក៏សូមអភ័យទោស ទម្រាំតែប្រាក់ធ្លាក់មក ទើបយកមកប្រគល់ជូនបងប្អូន បន្ទាប់ពីបានទទួលថវិកាទាំងអស់នេះហើយ សូមយកទៅចាយវាយឲ្យចំគោលដៅដើម្បីជួយសម្រួលដល់ជីវីភាពក្នុងគ្រួសារ សូមកុំយកទៅប្រព្រឹត្តល្បែងស៊ីសងផ្សេងៗ ជាពិសេស គឺល្បែងចាក់កន្ទុយលេខតែម្តង ដែលក្នុង១គ្រួសារៗទទួលបានថវិកាចំនួន៤លានរៀល ៕
ចែករំលែកព័តមាននេះ