រាជធានីភ្នំពេញ ៖ តារាសម្តែងពេញដោយទេពកោសល្យអ្នកនាង ស្វែង សុជាតា បានថ្លែងប្រាប់កោះសន្តិភាពឲ្យដឹងថា អ្នកនាងបានទាមទារឲ្យស្ថាប័នមួយដែលបានផ្សព្វផ្សាយព័ត៌មានមួយដែលមិនពិត និងមានលក្ខណៈបំផ្លាញដល់អាជីវកម្មរបស់នាង និងអតីតស្វាមី ដែលបានសាងរួមគ្នាអស់រយៈពេល…
រាជធានីភ្នំពេញ ៖ តារាសម្តែងពេញដោយទេពកោសល្យអ្នកនាង ស្វែង សុជាតា បានថ្លែងប្រាប់កោះសន្តិភាពឲ្យដឹងថា អ្នកនាងបានទាមទារឲ្យស្ថាប័នមួយដែលបានផ្សព្វផ្សាយព័ត៌មានមួយដែលមិនពិត និងមានលក្ខណៈបំផ្លាញដល់អាជីវកម្មរបស់នាង និងអតីតស្វាមី ដែលបានសាងរួមគ្នាអស់រយៈពេល ៧ ឆ្នាំកន្លងទៅ ។
អ្នកនាង ស្វែង សុជាតា ដែលជាតារាជួរមុខនៅស្រុកខ្មែរ និងបានប្រឡូកនឹងការសម្តែងលក្ខណៈអន្តរជាតិឲ្យភាពយន្តហូលីវូដ និងផលិតកម្មពីក្រៅស្រុកជាច្រើននោះបានបញ្ជាក់ថា «ការបង្ហោះព័ត៌មានរបស់គាត់ គឺធ្វើឡើងដោយងងើលមិនមានប្រភពច្បាស់លាស់ ចេះតែផ្សាយធ្វើឲ្យប៉ះពាល់ដល់ក្រុមហ៊ុនរបស់ខ្ញុំដែលជាក្រុមហ៊ុនស្របច្បាប់ បង់ពន្ធជូនរដ្ឋត្រឹមត្រូវ» ។ អ្នកនាងបន្តថា គិតត្រឹមម៉ោង ២ និង៣០នាទីរសៀលថ្ងៃទី ២៣ វិច្ឆិកានេះ ស្ថាប័នមួយនោះបានលុបចោលនូវព័ត៌មានដែលបានចុះផ្សាយខុសពីការពិតនោះហើយ តែអ្នកនាងនៅតែទាមទារឲ្យស្ថាប័នមួយនេះសរសេរអត្ថបទសុំអភ័យទោសអ្នកនាងជាសាធារណៈផងដែរ។
សូមបញ្ជាក់នៅព្រឹកថ្ងៃទី ២៣ វិច្ឆិកានេះ អ្នកនាង ស្វែង សុជាតា បានបង្ហោះសារលើបណ្តាញសង្គមហ្វេសប៊ុករបស់នាង ដោយមានខ្លឹមសារថា «Top post ឆាប់លុប នឹងសរសេរអត្ថបទសូមទោសខ្ញុំនឹងអតីតស្វាមីខ្ញុំជាបន្ទាន់ ព្រោះក្រុមហ៊ុនខ្ញុំ ឈរជើងមក ជិត៧ ឆ្នាំហើយ ហើយក៏មានច្បាប់ពីក្រសួងសុខាភិបាល នឹងក្រសួងពាណិជ្ជកម្មកម្ពុជា ហើយពួកខ្ញុំ ក៏បានបង់ពន្ធ រៀងរាល់ខែ ជូនក្រសួងពាណិជ្ជកម្ម មិនដែលគេចវេសទេ »។
អ្នកនាងបានបន្តថា «ជាពិសេស អ្នកជំងឺខ្លះដែលដុះដុំសាច់ខួរក្បាលនឹងជំងឺផ្សេងៗដែលជោគជ័យក៏នៅរស់ដែរ អាចជាសាក្សីបាន ។ កុំចូលចិត្តគ្រាន់តែលឺយកមកសរសេរ ធ្វើអោយប៉ះកិត្តិយស របស់គេ ប្រទេសមានច្បាប់ណា» ។
ជាមួយគ្នានោះផងដែរ តារាស្រីដែលពេញដោយទេពកោសល្យខ្ពស់ក្នុងការសម្តែងគ្រប់ប្រភេទតួអង្គបានបន្តថា អ្នកនាងក៏ «សុំផ្តាំទៅប្រភពអ្នកសិល្បៈណានុង ផងថា ខ្ញុំពិតជាអាណិតអ្នកណាស់ ហើយក៏ប្រហែលជាសំបូរលុយណាស់ហើយសម្រាប់បង់ពីបទបរិហាកេរ្តិ៍គេ សូមទុកលុយសម្រាប់ធ្វើបុណ្យ ដាក់ទាន ហើយអធិដ្ឋានក្នុងចិត្តទៅថា សូមអោយកើតជាតិណាៗ កុំអោយខ្ញុំរមាស់មាត់ នឹងចូលចិត្ត បំផ្លាញគេដូចជាតិនេះទៀត យល់?????? ការចេញអត្ថបទដោយងងើល មិនខ្លាចផ្លូវច្បាប់បែបនេះ ប្រៀបបីដូចជាអ្នកមើលងាយ ទៅដល់ក្រសួងសុខាភិបាលពេកហើយ » ៕
ចែករំលែកព័តមាននេះ