ប្រទេសថៃ ៖ បណ្ដាសិស្សសាលាមធ្យមសិក្សាថៃ បានប្រមូលផ្ដុំគ្នាធ្វើបាតុកម្មថ្មីកាលពីថ្ងៃទី២១ វិច្ឆិកា ក្នុងទីក្រុងបាកកដើម្បីទាមទារ ឲ្យមានការកែទម្រង់ផ្នែកអប់រំនិងនយោបាយ ដែលនោះជាការផ្គើនចំពោះការគំរាមកំហែងរបស់រដ្ឋាភិបាលឲ្យតុលាការចាត់ការប្រឆាំងចលនាតវ៉ាកម្រិតខ្ពស់ក្នុងប្រទេស ។
បាតុកម្មនោះធ្វើឡើងតាមការអំពាវនាវរបស់ក្រុមមួយដែលហៅថា ក្រុមសិស្សអាក្រក់ដែលចង់ចំអកប្រឆាំងនឹងបណ្ដាបែបបទអប់រំ និងអាជ្ញាធរប្រពៃណីរបស់សាលា ។ ក្នុងបាតុកម្មនោះពួក
សិស្សសាលា បាននាំគ្នាកាន់ចានឆ្នាំងពិសេសមានពួកអ្នកស្លៀកពាក់ជាដាយណូស៊័រ និងមានអ្នកលើកបាល់ឡុងដែលច្រកពេញដោយថ្មអាចម៍ផ្កាយ ។
ពួកគេចង់បង្ហាញថា អាចម៍ផ្កាយមួយ ពេលធ្លាក់មកលើផែនដីនាំឲ្យមានការបាត់បង់វិនាសសូន្យបណ្ដាសត្វដាយណូស័រ ។ ចលនានោះ ហាក់ដូចជា ចាក់ គ្នាជាមួយចលនាស្និទ្ធប្រជាធិបតេយ្យរបស់ប្រទេស ។ ទោះបីទិសដៅដំបូងរបស់ក្រុមពួកសិស្សអាក្រក់ រួមមានការទាមទារឲ្យលុបចោលបណ្ដាបែបបទ ចាស់គម្រិលគេលែងប្រើដូចជាឯកសណ្ឋានសិស្សជាដើម និងទាមទារឲ្យកែទម្រង់បណ្ដាកម្មវិធីសិក្សា ។ បាតុកម្មនោះពេលនេះហាក់ងាកមកគាំទ្រដែរ ចំពោះចលនាទាមទារលទ្ធិប្រជាធិបតេយ្យ ដែលស្វែងរកឲ្យមានការផ្លាស់ប្ដូរនយោបាយរបស់ប្រទេស ។
បាតុកម្មកាលពីថ្ងៃទី២១ វិច្ឆិកា រៀបចំធ្វើក្នុងតំបន់ពាណិជ្ជកម្មមួយ ដែលមមាញឹកនៃក្រុងបាង
កក មានមនុស្សចូលរួមប្រមាណយ៉ាងតិច១.០០០នាក់ ក្នុងនោះច្រើននាក់មិនមែនសិស្សសាលាមធ្យមសិក្សា តែមាននិស្សិតច្រើននាក់ ។ និស្សិតម្នាក់អាយុ២១ឆ្នាំនិយាយប្រាប់អ្នកកាសែតថា វាសមស្របដែលពួកបាតុករពិភាក្សាបណ្ដាបញ្ហាហួសពីការអប់រំ ។
បាតុកម្មនោះធ្វើឡើងនាចុងសប្ដាហ៍ ជាមួយបាតុកម្ម២ដែលរៀបចំធ្វើដោយ ពួកសកម្មជននៃចលនាស្និទ្ធប្រជាធិបតេយ្យ ។
ចំពោះបាតុកម្មស្និទ្ធប្រជាធិបតេយ្យដែលទាមទារឲ្យនាយករដ្ឋមន្ត្រីលោកប្រាយុទ្ធ ចាន់អូចា លាលែងចេញពីតំណែងឲ្យមានការកែប្រែរដ្ឋធម្មនុញ្ញ និងកាត់បន្ថយអំណាចរបស់ព្រះមហាក្សត្រ លោកប្រាយុទ្ធមានប្រតិកម្មតបថា ពួកបាតុករហាក់ដូចជាទៅកាន់តែឆ្ងាយ ហើយពេលនេះពួកគេទទួលការចោទប្រកាន់ពីបណ្ដាសកម្មភាពខុសច្បាប់ ។ លោកនៅបានព្រមានពីការអនុវត្តច្បាប់ស្ដីពីការប្រមាថព្រះមហាក្សត្រផងដែរ ៕ ដកស្រង់ចេញពីវេបសាយ ៖ news-24.fr
ចែករំលែកព័តមាននេះ